Dýbaı kóshelerin endi robot saqshylar kúzetedi, dep habarlaıdy Qamshy aqparat agenttigi 24.kz-ke silteme jasap. 

Olar qalanyń kisi qarasy qalyń aýdandary men saýda ortalyqtarynda kezekshilik etedi. Eger kıber-polıseılerlerge júrgizilgen synaq sátti ótse, 2030 jylǵa qaraı Dýbaı quqyq qorǵaýshylarynyń 25 paıyzy robottan jasaqtalady.

 Dóńgelekti jańa qurylǵynyń bıiktigi adam boıymen birdeı. Oǵan túrli belgi beretin qurylǵylar men beınebaqylaý ornatylǵan. Kez kelgen adam aqyldy qultemirdi kómekke shaqyryp, sensorly ekrany arqyly qajetti aqparatpen tanysa alady. Al oǵan túsken aqparat birden quqyq qorǵaý organdaryna jiberiledi.

Halıd Nasser, polısıa qyzmetkeri: -Bul robottar demalý degendi bilmeıdi. Táýlik boıy úzdiksiz jumys isteı beredi. Oǵan izdeýdegi adamdy tanıtyn jasandy jady ornatylǵan. Sondyqtan ol barlyq suraqqa jaýap berip, kez kelgen tapsyrmany arab jáne aǵylshyn tilinde oryndaı alady.

Sholýshy:Aıgerim Taýbaı