Aqtóbe oblysy Prokýrorynyń

Aqtóbe oblystyq İSB-nyń

nazaryna

Aqtóbedegi RIKA aqparat keńistigi men bıznes jelilerin ustap otyrǵan medıa toptyń tilshisi Lázzat Saqıeva tarapynan «óziniń qyzmettik suhbaty aıasynda» (QR qylmystyq Kodeksiniń 141 babynyń 2 tarmaǵy), qazaq azamaty Farhad Dosmaǵanbetovtyń «tegine, násiline, ultyna qaraı kemsitýshilik» (QR-sy Konstıtýsıasynyń 14-bap, 2-tarmaq), jáne «bútin bir halyqtyń ar-namysyna tıetin» aýyr sózder aıtqany jáne «násildik, ulttyq astamshylyqty» ýaǵyzdaıtyn «dıskrımınasıa» máselesin kótergeni úshin tilshiniń ústinen quqyqtyq shara alynýy tıis. Bul jóninde sońǵy kúnderi BAQ quraldarynda, áleýmettik jelilerde kóp jazyldy. 

Ulttyq múdde, ulttyq namystan bıik turatyn eshqandaı murat joq. Saıası turǵydan alǵanda tilshi L.Saqıevanyń isi júgensizdik, azamattyq namysymyzdy qorlaý. Sondaı-aq, Lázattyń sózinde Qazaqstan halyqtarynyń tatýlyǵy men birligine, yntymaqta ómir súrýine syna qaǵatyn qareket baryna nazar aýdarý qajet dep esepteımin.

Muny aıaqsyz qaldyrýǵa bolmaıdy. Kópshiliktiń bul narazylyǵy Aqtóbe oblystyq Bas Prokýrorynyń nazaryna alynýy tıis. Osy máselege baılanysty

Málimdeımin:

1. Rıka telearnasy FAKT baǵdarlamasynyń júrgizýshisi, tilshisi Lázat Saqıevanyń «astamshylyq» áreketine baılanysty - qoǵam belsendileriniń qatysýymen «arnaıy komısıa» qurylsyn. Komısıa quramyna saıası partıalar men qoǵamdyq uıymdar, zańgerler, oblystyq ishki saıasat basqarmasy jáne jergilikti «Ulttar assambleıasyndaǵy» dıaspora ókilderi de tartylsyn. 
2. QR azamaty retinde ony jaýapkershilikke tartyp, onyń is-áreketine QR-synyń «ákimshilik, qylmystyq kodeksi» turǵysynan quqyqtyq baǵa beriletin bolsyn.
3. Komısıa qorytyndysynyń kóshirmesi jergilikti qoǵamdyq uıymdar men Aqtóbe oblystyq Ákimi men Prokýratýrasyna jiberilsin. 
4. Aldaǵy ýaqytta mundaı «astamshylyqty» qaıtalamaý úshin komısıa jumysynyń nátıjesi buqaralyq aqparat quraldary arqyly jurtshylyqqa jarıa etilsin.

QR Jýrnalıser Odaǵynyń múshesi: N.Qoshamanuly
Aqtóbe qalasy.
04.06.2017.