Taıvan prezıdenti Saı Inven Qytaıǵa «bir partıaly memleketten qalaı dınamıkalyq demokratıaly elge aınalýǵa bolatyny týraly» tájirıbesimen bólisýge usynys jasady dep habarlaıdy Qamshy aqparattyq agenttigi BBC orys qyzmetine silteme jasap.

Onyń atalǵan usynysy Qytaıdyń 1989 jylǵy Tánanmen alańynda qandy qyrǵyn jasaǵanyna 28 jyl tolýy qarsańynda aıtyldy. 28 jyl buryn dál osy kúni Qytaı bıligi saıası ózgeristi talap etken jastar men stýdentterdi tankpen taptap, qatigezdikpen janyshtaǵan edi.

Al, Qytaı bıligi atalǵan jaǵdaıdyń oryn almaǵanyn alǵa tartyp, basqa elderde osy kúnge baılanysty eske alý sharasyn ótkizýge qarsylyq bildiredi.

Resmı málimetter boıynsha, 1989 jyly 4 maýsymynda Qytaı bıliginen saıası ózgeris talap etken demonstrasıany basyp-janshýdan 241 adam ólgen. Keıbir málimetter birneshe júzdegen adamnyń ólgenin aıtsa da naqty derek joq.