52 jastaǵy Devıd Fınleıson balasy Charlımen Aıdaho shtatyndaǵy Shıp Aılend atty kóldiń aınalasyndaǵy taýǵa shyqqan. Buǵan deıin de ákesi men balasy birneshe márte taýǵa shyqqan eken. Ekeýine bul is qatty unaıtyn.

Bul joly taýdaǵy tastar qulap, Devıd 10 metrli bıiktikten qulaıdy.  

Ol esin joǵaltyp aldy. Onyń arqasy men sol aıaǵy syndy. Aıaǵyndaǵy jaraqattan súıegi kórinip turdy.

Jaqyn mańdaǵy bazaǵa jetý úshin 20 shaqyrym jer júrý kerek. Barlyq úmit Charlıda boldy. Balasy ákesiniń jaraqatyn jýyp, shatyr tigip, ákesin tamaqtandyryp, oǵan kúsh berdi.

«Ol meni  aman alyp qaldy. Balam bolǵan oqıǵadan keıin túni boıy menimen sóılesip, aýyrlyqty sezinbeýge kómektesti» deıdi Devıd jýrnalıserge bergen suhbatynda.

Eki kún boıy Charlı týrıserdi kezdestirip qalamyn degen maqsatpen kóldiń aınalysna tústi. Úshinshi kúni eshkim kómekke kelmeıtini belgili boldy. Charlı bazaǵa barý kerek ekenin túsindi. 13 jastaǵy bala 16 kelilik sómkemen alys jolǵa shyqty. Ákesi oǵan hat tapsyrdy. Onda Devıdti qalaı tabýǵa bolatyny jazylǵan.

Ákesin jalǵyz qaldyrý Charlı úshin úlken synaq boldy.

«Men qatty qoryqtym. Bazada eshkim bolmasa ne isteımin degen suraq mazalady. Men únemi duǵa etip, qudaıǵa jalbaryndym» deıdi Charlı.

Alty shaqyrym jer júrgennen keıin Charlı týrıserdi jolyqtyrady. Devıd aýrýhanaǵa jetkizilip, aman qaldy.

Sholýshy: Sabına Ramazan