Orta salmaqta WBC, WBA (Super), IBF jáne IBO belbeýlerine ıe qazaqtstandyq boksshy Gennadıı Golovkın Qaraǵandydaǵy sport kesheniniń ashylý saltanatyna qatysady, dep habarlaıdy Qamshy aqparattyq agenttigi vesti.kz-ke silteme jasap. 

"Gennadıı GGG Golovkın" tobynyń málimeti boıynsha, sportkesheni Maıqudyqta - sportshynyń týyp ósken yqshamaýdanynda ornalasqan. Úsh qabatty ǵımaratta 25 metrli baseın, aýyr atletıka zaly, kóreremender otyratyn orny bar ámbebap oıyn jáne boks zaly bar.

Sport keshenin Golovkınniń ózi resmı túrde 7 maýsymda ashady. Saltanatty sharaǵa Qaraǵandynyń sport mektepteri men balalar úıiniń tárbıelenýshileri qatysady. Sport kesheninde balalar úshin daıyndyqtar tegin bolady.

Qaraǵandy oblysy ákimdiginiń bastamasymen sport keshenine Gennadıı Golovkınniń aty beriledi.

Sholýshy: Aıgerim Taýbaı