Qazaqstandyq kásipqoı boksshy Gennadıı Golovkın men meksıkalyq Saýl "Kanelo" Alvares arasyndaǵy jekpe-jek Las-Vegasta (AQSH, Nevada) ótetin boldy. Bul týraly otandasymyzdyń promoýteri Tom Leffler jazdy, - dep habarlaıdy vesti.kz. "Kanelo" - Golovkın jekpe-jegi 16 qyrkúıek kúni Las-Vegastaǵy (AQSH, Nevada) T-Mobile Arena arenasynda ótetinin resmı túrde habarlaımyn. Jankúıerler úshin keremet boks keshi bolmaq! - dep jazdy Tom Leffler Twitter jelisindegi paraqshasynda.

2016 jyly ashylǵan "T-Mobile Arena"-ǵa 20 myńǵa jýyq jankúıer syıady. Gennadıı Golovkın "T-Mobile" Arena kesheninde jekpe-jek ótkizbegen. Al "Kanelo" bolsa Las-Vegastaǵy osy arenada 10 kezdesý ótkizgen. Onyń ishinde Amır Han men sońǵy ret sharshy alańǵa shyqqan qarsylasy Hýlıo Sezar Chaveste bar. Saýl Kanelo Alvareske qarsy jekpe-jekte Gennadıı Golovkın orta salmaqta WBC, WBA (Super), IBF jáne IBO chempıondyq ataqtaryn qorǵaıdy. Meksıkalyq "The Ring" jýrnalynyń belbeýin báske tigetin bolady.