Prısılla Mors esimdi áıel Facebook áleýmettik jelisin aqtaryp otyryp, ıek súıegi ǵana qalǵan, ábden tozyǵy jetken 7 jastaǵy balanyń sýretin kórip qalady. Sýretti kóre sala esh oılanbastan ol balaqaıdy asyrap alý úshin jarty álemdi kezip jetken eken, dep habarlaıdy Qamshy aqparattyq agenttigi sheteldik BAQ-qa silteme jasap.
Bolgarıa eline qajetti qujattardy rásimdeýge kelgen kezinde Raıan esimdi balaqaı bar-joǵy 3 keli ǵana salmaqta bolyp, ómiri qyl ústinde turǵan.
Tennesıde óziniń jańa otbasyna kelgen bala bir jylda sóıleýdi úırengen jáne birshama salmaq qosqan eken. Qazirgi kezde onyń jaǵdaıy áldeqaıda jaqsy, bir jyl burynǵy asharshylyqty umytqan., múldem basqa bala sekildi ózgergen.
Prısıllanyń aıtýynsha, ol Raıan jaıynda 2014 jyly estigen, keıinnen Facebook paraqshasyn aqtaryp otyryp asyrap alýǵa qatysty balaqaıdyń jeke paraqshasyn kózi shalǵan.
Sol ýaqytta óziniń Devıd esimdi jubaıymen birge ol balaqaıdy asyrap alýǵa naqty sheshim qabyldapty. Bul juptyń Raıannan bólek eki týǵan balalary bar: biri 13 jasta, al ekinshisi 7 jasta. Sonymen qatar 2012 jyly asyrap alǵan MakKenzı esimdi 7 jastaǵy qyzdary bar. Ol qyz da erekshe kútimdi qajet etetin syrqat bala, dárigerler ol qyzǵa júrektegi aqaý men Daýna degen dıagnoz qoıǵan.
«Raıandy eń alǵash kórgen kezimde rasymen de qorqyp kettim. Tezirek asyrap alýǵa asyqtym. Men qujattardy rásimdep bolamyn degenshe ólip ketedi me dep qatty qoryqtym», - dep eske alady Prısılla.
Asharshylyq náýbetin basynan keshken balaqaıdyń densaýlyǵy da tym nashar edi: skolıoz, kosolapıe, DSP, mıkrosefalıa dertterine shaldyqqan.
Bolgarıadan kelgen boıda Raıandy dereý aýrýhanaǵa jatqyzǵan. «Osy ýaqytqa deıin dárigerlerdiń kishkentaı búldirshinge qarap jylaǵandaryn kórmeppin. Olar maǵan Raıandy kez kelgen ýaqytta ólip qalýy múmkin ekendigin qaıta-qaıta eskerte berdi», - deıdi Prısılla.
Aýrýhanada bir jarym aıt jatqannan keıin balaqaı ońala bastaǵan. Sýretterden onyń qanshalyqty táýir bolǵandyǵyn kórýge bolady. Qazirgi tańda Raıan shamamen 10,5 keli salmaq tartady jáne de ózdiginen qozǵalyp, sóılese bastady.
Dárigerlerdiń aıtýynsha, bala tolyq jazylyp ketýi úshin keminde bir jyldan astam ýaqyt kerek.
Aýdarǵan: Nazerke Labıhan
