Qaraǵandy oblysynda jol-kólik oqıǵasy kezinde er adamnyń aýzyna temir armatýra kirip ketken. 2 maýsymda shamamen saǵat 21.00-de Qaraǵandy-SHahtınsk tasjolynda armatýra tasymaldaǵan Volkswagen Passat pen jeńil kólik soqtyǵysqan. Sońǵy atalǵan kólikte 1994 jylǵy jigit pen onyń júkti áıeli bolǵan, - dep habarlaıdy Qamshy aqparattyq agenttigi Tengrinews.kz portalyna silteme jasap. 

Ortalyq baıytý fabrıkasyna qaraı burylǵanda tirkeme aýyp, qarsy baǵyttaǵy jolǵa shyǵyp ketip, metal armatýralar shashylǵan. Temirlerdiń biri Passat kóliginiń artynda kele jatqan avtomobıldiń betki terezesin tesip ótip, júrgizýshiniń aýyz qýysyna kirip ketken.

Er adam Shahtınsk qalalyq ortalyq aýrahanasyna sol kúıi jetkizilgen. Júkti áıeli, abyroı bolǵanda, zardap shekpedi. Al júrgizýshiniń tisteri synǵan, bet súıegi jaralanǵan. Baqytyna oraı, temir onyń mıyna qaraı emes, tómenge ketken. Járdem kórsetilgennen keıin er adam Qaraǵandydaǵy aýrýhanaǵa jetkizildi. Onda armatýrany shyǵarý boıynsha ota jasalǵan. Búginde er adamnyń jaǵdaıy qanaǵattanarlyq, 4 maýsymda ol Qaraǵandydaǵy bet-jaqsúıek aýrýhanasyna aýystyrylypty.

"Al Passat júrgizýshisi tirkemesine armatýrany jaqsylap bekitkenin aıtyp otyr. Tirkemeniń ne sebepti aýdarylǵany, onda salmaǵy qansha júk bolǵany jáne júktiń qalaı bekitilgenin anyqtaý boıynsha tergeý júrip jatyr", - dep habarlady Abaı qalalyq İİB JPQ ókilderi.

Eskerte keteıik, vıdeoda beıádep sózder bar!