Alıment tólemeseńiz abaqtyǵa qamalýyńyz múmkin. Qyzylordalyq sot oryndaýshylar boryshkerlermen kúresti kúsheıtip otyr. San syltaý aıtyp, balasyna alıment tólemeı júrgenderden májbúrli túrde óndirip alý maqsatyndaǵy reıd jıiledi, dep habarlaıdy Qamshy aqparattyq agenttigi 24.kz-ke silteme jasap.
Kezekti izdestirý sharasynda zań qyzmetkerleri tıisti tólemnen bas tartqan qala turǵynynyń úıine baryp, teledıdar men sý tazartqysh qurylǵysyn tárkiledi. Turaqty mekenjaıyn jasyryp, qashyp-pysyp júrgen azamattardy tabýǵa kóshi-qon polısıa qyzmetkerleri de atsalysyp jatyr. Qazirgi tańda ádilet organdary mamandarynyń óndirisinde 5 myńǵa jýyq is qaralý ústinde.
Basty maqsat – boryshkerdiń dúnıe-múlkin tartyp alý emes, tiri jetim qalǵan sharasyz balalardyń zańdy quqyqtaryn qorǵaý. Eger bala aldyndaǵy bereshek 3 aıdan assa, ákimshilik shara qoldanylady. Zań talaptaryna baǵynbaǵandar qylmystyq jazaǵa tartylýy múmkin.
Álıa Aıbosynova, qalalyq alıment tólemderin óndirý boıynsha aýmaqtyq fılıal basshysy: -Jyl basynan bastap 120 usynys engizildi. Olar qazir qaralyp jatyr. Onyń ishinde 17 boryshkerge qatysty qylmystyq is qozǵaldy. Sonymen qatar boryshkerlerge qatysty tıisti alımentin tólemegen jaǵdaıda júrgizýshilik kýáliginen aıyrý jóninde de sotqa usynystar engizilýde.
Sholýshy : Aıgerim Taýbaı
