16 jastaǵy Glazgo turǵyny Emı Tompson dostarymen qydyrǵandy qatty unatatyn. Stýdent qyz ár demalysyn túrli keshterde ótkizetin. Sondaı keshterdiń birinde jasaǵan qateligi onyń ómirin túbegeıli ózgertedi dep ol esh oılamady.

Qazir ol múgedekter arbasyna tanylǵan. Onyń jaqyndary Emmı erte me, kesh pe burynǵy qalpyna keledi degen úmitte.

Qazir Emmı kóńil kóteretin oryndarǵa baratyndaı jaǵdaıda emes. Ol eki jyl komada jatty. Endi ǵana esin jıyp, bala sekildi qaıta júrýdi, sóıleýdi úırenip júr. Dárigerler onyń burynǵy qalpyna qaıta kelmeýi múmkin ekenin eskertedi. Qandaı jaǵdaı da saýyǵy prosesi uzaqqa sozylatyny anyq.

Emmıdiń týystary basqa adamdar da osyndaı sumdyqty bastan keshirmeýi úshin Emmıdiń oqıǵasyn jarıalap otyr.

Kýágerlerdiń sózinshe, barlyǵy kishkentaı dárilerden bastalǵan. Emmı qurbylarymen keshterdiń birinde esirtki saýdalaıtyn adamnan dári satyp alady.  

Jarty saǵattan keıin tórt qyzdy jedel járdemmen aýrýhanaǵa jetkizedi. Emmıdiń qurbylary tez saýyǵyp ketti. Al Emmıdiń jaǵdaıy ońalmady. Stýden qyz komaǵa tústi.

Dárigerler onyń oıanbaýy múmkin ekenin aıtqan. Alaıda Emmı esin jıdy. Esirtki onyń mıyna qatty zaqym keltirgen.

Endi qyz qalypty ómirge qaıta oralýyna kóp ýaqyt qajet.

Sholýshy: Sabına Ramazan