90-jyldaryń basynda Naýmkındar otbasy qıyn jaǵdaıdy bastan ótkergen. Daǵdarys kezeńinde mýzyka pániniń muǵalimi men sýretshi erli-zaıyptylar tek ózderine ǵana senim arta alatyndaryn túsingen. Olar ormanǵa turýǵa sheshim qabyldaıdy da, ózderiniń kúnderin aýyl sharýashylyǵy arqyly kórýge bel baılaıdy. Osy ormanda olardyń Odjan esimdi uldary dúnıege keledi.
Bul otbasy týraly jaqynda ǵana belgili boldy. Odjannyń ata-anasy uldaryn qalaǵa jibergen. Ol qaıtyp kelgen kezde áke-sheshesi «bizdi izdeme» dep jazylǵan hat qaldyryp ketken eken. Sol kezde qalalyq prokýratýraǵa júgingen ol óziniń tipti qujattary joǵyn ańǵarǵan. Alaıda arada biraz ýaqyt ótip Odjannyń ata-anasy qaıtyp kelgen. Osy oqıǵa jýrnalıserdiń qyzyǵýshylyǵyn týdyrǵan.
Jýrnalıserdi qonaq etken Odjan ormanda tursa da syrt kelbeti kelisti jabaıylyqtyń eshqandaı da belgisi joq.
Otbasy dál osy jerde turyp jatqandaryna eki jyl bolypty. Odjannyń aıtýynsha bul olardyń ekinshi úıi. Buryn Altaı Respýblıkasynda turǵan. «Úı sharýasymen aınalysamyn, baqshamyz bar. Kókónisterdi ósiremiz. Sodan soń qalaǵa aparyp olardy satamyz. Ákem sýret salady. Ony da satamyz. Osydan túsken qarajatqa ómir súremiz»-deıdi jigit. Jas jigit kitap oqıdy, sýret salady.
Otbasy taqtaılardan jasalǵan jylytylǵan jer úıde turady. Úıde elektr toǵy joq. Alaıda orman turǵyndary uıaly telefondaryn qalaǵa shyǵyp qýattap alady, poshtalaryn da tekserip turady eken.
Bul úıde barlyǵy qoldan jasalǵan. Elektr toǵy joq bolsa da bul otbasy radıo tyńdaıdy. Sol arqyly jańalyqtar men aýa-raıyn bilip otyrady.
Zamanaýı álemnen bul otbasy alystap ketken joq, Naýmkındar otbasy qalaǵa jaqyndary men dostaryna bary turady, olar da orman turǵyndaryna qonaqtaıdy.
Odjannyń ata-anasy ıtellegentti jáne bilimdi azamattar. Olar tek shıelenisi kóp qarbalas ualadan sharshap tynyshtyqty ańsaǵan. Sóıtip ormanda turýǵa sheshim qabyldaıdy. Elena 47-de mýzyka páninen mektepte sabaq bergen. Al Aleksandr 58-de shyǵarmashylyq adamy, ezoterıkalyq kitaptardyń avtory.
Odjan ata-anasynyń kózqarastaryna túsinistikpen qaraıdy. «Adam -óziniń eńbegi arqasynda ómir súrý kerek»-deıdi. Elena men Aleksandr tabıǵat aıasyndaǵy jalǵyzdyqqa úırenip qalsa da, bolashaqta qalaǵa jaqyn aýyldy jerde turýdy josparlap otyr. Qartaıǵan shaqta ormanda turýdyń paıdasynan góri qıyndyǵy kóp deıdi orman turǵyndary.
Daıyndaǵan: Nazerke MUSA
