QR Parlamenti Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady, dep habarlaıdy QazAqparat.  Qujatty QR Parlamenti Májilisi depýtattarynyń toby ázirledi. «Zań jobasyn Májiliste talqylaý barysynda qujat qosymsha normalarmen tolyqtyrylyp, onda negizsiz shekteýler joıyldy jáne jańashyldyqtar joldaǵy tártipti kúsheıtýge yqpal etedi. Kólikti polıseıler talaby boıynsha toqtatqan jaǵdaıda olardyń is-qımylynyń tártibi bekitiledi»,-dep toqtaldy zań jobasyn tanystyrý barysynda Májilis depýtaty Vladıslav Kosarev.

Atap aıtqanda, kólik quralyn toqtatqannan keıin qyzmetker kidirmeı oǵan jaqyn kelýge, ózin tanystyrýǵa, júrgizýshiniń talap etýi boıynsha qyzmettik kýáligimen tanys etýge, toqtatý sebebin túsindirýge, sondaı-aq paıdalanylǵan jaǵdaıda ereje buzýshylyqty tirkegen quraldardyń málimetterin usynýǵa mindetti.  Budan ózge, zań jobasymen kólikti toqtatqan kezde júrgizýshiniń polısıa is-qımyldaryn fotoaparatqa jáne beıne túsirýdi júrgizýge quqyǵy kózdeledi. Sonymen qatar jolaýshylardy túngi ýaqytta turaqty emes avtotasymaldarmen tasymaldaýǵa jáne kólik quraldaryndaǵy aerografıkalyq sýretterge tyıym salýlar alyp tastaldy. Masań kúıde kólikti júrgizgeni úshin, sondaı-aq kýálandyrýdan ótýden bas tartqan júrgizýshilerdi kýáliginen aıyrýdyń biryńǵaı úsh jyldyq merzimi belgilenýde. Munymen qosa, júrgizýshi kýáliginiń jaramdylyq merzimi ótip ketken jaǵdaıda qaıta emtıhan tapsyrý talabyn alyp tastaý  kózdelgen.