24-25 kúnderi Almaty qalasyndaǵy «Boraldaı» arheologıalyq parkinde «Uly dala rýhy-2017» Halyqaralyq etnofestıvali ótedi dep jazady Qamshy aqparattyq agenttigi.

Festıválǵa álemniń 10 eli qatysady. Basty maqsaty – qazaqstandyqtar men shet eldik qonaqtarǵa kóshpendiler mádenıetin, qazaqtyń ejelgi tarıhy men salt-dástúrin kórsetý.

Baǵdarlamanyń aýqymy keń. Eki kúnge sozylatyn festıvál ýaqytty keri aınaldyryp, ótken tarıhqa saıahat jasatady.

«Uly dala rýhy-2017» ekinshi  halyqaralyq festıválda:

*Qaz-qatar tigilgen on eki qanatty aqshańqan 60 úı

*Kóshpendiler  sherýi

*10 memleketten kelgen at qulaǵynda oınaıtyn shabandozdardyń san túrli óneri

*Eń úzdik etnomýzykanttar

*kókpar

*aýdaryspaq

*qyz qýý

*asaýǵa tusaý salý

*Qol ónershi men sheberlerdiń, ustalardyń  óneri

*Balalar alańy

*Altybaqan

*Kúı tartys

*Qyran qus

*Qumaı-tazy t.b .ulttyq qundylyqtar men ata-baba murasy

*Túngi alaý basyndaǵy oıyndar men mýzyka

 Sondaı-aq, kórermender arasynan «Eń ádemi ulttyq kıim»tańdalyp, túrli ulttyq oıyndar oınalyp, san-alýan  saıystar uıymdastyrylady!  Ystyq baýyrsaq pen ulttyq taǵamdardan dám tatasyz!

Taqyrypqa baılanysty sektorlar jumys isteıdi. Máselen, «Almaly» atty qolónershiler aýylynda sheberlik sabaqtary ótkiziledi. Kórermender tek tamashalap qana qoımaı, mamannyń kómegimen sazdan qumyra jasap kóredi. Al «Shabyt» mýzykanttar aýylynda baıqaý uıymdastyrylady. Kórermender túrli aspaptarda oınap, baqtaryn synaıdy, ulttyq taǵamdardan dám tatyp, jasaý qupıasymen tanysady, kásibı búrkitshiler men palýandardyń ónerin tamashalaıdy. Osylaısha, kelgen kórermender, meımandar kóshpendiler ómirin óz kózderimen kórip, turmysymen tanysady. Sondaı-aq, kórermender arasynan «Eń ádemi ulttyq kıim» tańdalyp, syılyq beriledi.

    Festıválǵa kirý tegin.

Ótetin orny: Almaty qalasy, Alataý aýdany, «Boraldaı» arheologıalyq parki. Turǵyndardy jetkizý jaǵy da qarastyrylǵan. «Ortalyq stadıon» aıaldamasy men «Alataý» dástúrli óner teatrynyń janynan ár saǵat saıyn arnaıy avtobýstar júredi.  

    Bul – siz ben bizdiń tarıhymyz! Uly dala rýhyn kóterýge siz de atsalysyńyz!