Marıa Mansıa óziniń ulyn 21 jylda birinshi ret kórgen kezde óz kózine ózi senbedi. «Osynshama ýaqyt boıy men onymen ne bolǵanyn bilmedim»-deıdi áıel. Onyń uly Stıv Ernandesti urlap alyp ketken kezde ol nebári 18 aılyq edi. Balany urlaǵan adam onyń qujattary men sýretterin tipti ÝDZ-nyń sýretin alyp ketken eken.

Stıvtiń anasy sol 1995 jyly bolǵan soraqy kúndi qynjylyspen eske alady. Óziniń jalǵyz ulyn joǵaltqan kún ananyń esinen qalaı ketsin? Týǵan týystarynan balanyń jalǵyz ǵana sýretin taýyp alǵan. 20 jyl boıy ol osy sýretti ózimen birge ustaǵan.

Polısıa áıeldiń ulyn izdestirgenimen ony taba almaǵan. Nátıjesinde 20 jyldan keıin Meksıka jaqtan belgisiz derekter paıda bola bastady. Balany urlaǵan óz ákesi bolyp shyqqan. Sol ýaqytta balanyń ákesi iz-tússiz joǵalyp óldi dep eseptelgen.

«Men ózimniń anamnyń tiri ekenin bilgende, onyń meni izdestirip júrgenin bilgende esimnen tanyp qala jazdadym. Qatty qýandym»-deıdi 22 jastaǵy jigit.

Stıv anasyna oralǵan kezde óziniń qalaı ósip, eseıgenin sýretterimen kórsetken. Meksıkada zańgerdiń oqýyn oqyp júrgen,  endi AQSH-taǵy ýnıversıtetke aýysyp anasymen berge turmaqshy.

«Arqamnan óte aýyr júk túskendeı boldy. Ómirimniń 21 jylyn ulymdy izdeýge jumsadym. Ol týraly eshteńe bilmesem de, onyń aman ekenine sendim»-deıdi áıel.

Áıeldiń óz ulyn tabýy sheksiz seniminiń esebinen. Sebebi senim ǵana bizdi alǵa jeteleıdi, ómir súrýge qulshynys beredi. Tek qana senim..

Daıyndaǵan: Nazerke MUSA