Dımash Qudaıbergen QHR Tóraǵasy Sı Szınpınniń elimizge sapary barysynda óz repertýarynan án aıtyp bergisi keletin aıtty, dep habarlaıdy Qamshy aqparattyq agenttigi.

Bul týraly ánshi Qytaıdyń  CCTV ortalyq telearnasyna bergen suhbatynda aıtty.  

«Álem halqynyń úshten biri Qytaıda turady. Osy eldegi jankúıerlerimniń maǵan degen sezimi kúlli qazaq halqyna degen, qazaq baýyrlarymyzǵa degen qurmeti dep bilemiz. Osyndaı úlken memlekette án salyp, óner kórsetý men úshin úlken baqyt. Tóraǵa Sı Szınpınniń elimizge sapary barsynda ózimniń repertýarymdaǵy eń jaqsy dep sanaıtyn ánimdi oryndap bergim keledi. Jáne de oraıy kelip jatsa, meniń jolymdy ashqan «Ánshi» jobasyna qatystyryp, osyndaı múmkindik týǵyzyp otyrǵan Qazaqstan men Qytaı eliniń arasyndaǵy dostyq qarym-qatynastyń saqtalyp kele jatqany úshin raqmetimdi ánmen jetkizgen bolar edim. Eki eldiń dostyǵyn ata-babalarymyz amanat etip qaldyrǵan mádenı murasyn bir-birimizge kórsetý arqyly nyǵaıta túsemiz dep oılaımyn», - dedi Dımash Qudaıbergen Qytaı telearnasyna bergen suhbatynda.