Bul oqıǵa 1983 jyly boldy. Búkil el Vadaktaı atty kolhoz turǵyny Rasa Prasevıchýtıdiń oqıǵasyna nazar aýdardy.

Rasa óz egiz ápkesimen kúnbaǵys arasynda oınap júredi. Sol ýaqytta ákesi mas kúıinde shóp shabatyn mashınany qosady.  Birneshe ýaqyttan keıin matordyń daýysyn kishkentaı qyzdyń shyńǵyrǵan daýsy basyp tastady. Shóp shabatyn mashına qyzdyń eki tabanyn kesip tastaǵan.

Ákesi kolhozdyń basqa qyzmetkerlerinen kómek suraýǵa júgirip ketedi. Jergilikti feldsher qandy toqtatyp, kesilgen tabandardy tońazytqyshqa salyp qoıady. Jaqyn jerdegi aýrýhanalarda Rasaǵa kómektese alatyn dárigerler de, qajetti quraldar da bolmaıdy. Sondyqtan Máskeýdegi aýrýhanalarmen baılanysýǵa týra keldi.

Rasany Tý-134 ushaǵymen Máskeýge jetkizdi. Jolda qyzdyń tabanyn salatyn muz tabylmaı, ony muz qatqan balyqtarmen aparǵan.

Operasıa uzaqqa sozyldy. Tórt saǵat ótkennen keıin dáriger kómekshilerin dem alýǵa jibergen. Qazir AQSH-ta jumys isteıtin Datıashvılı esimdi dáriger toqtamastan birneshe saǵat jumys istegen. Operasıa toǵyz saǵatqa sozyldy.

Osy oqıǵadan keıin Rasa 8 jyl boıy túrli aýrýhanalarda jatqan. Onyń ata-anasy burynǵysynsha ishkilikke salynǵan. Aıaǵy qaıta qalpyna kelgennen keıin qyzdy Adomaıtıs otbasy asyrap alady.

Rasa mundaı jaǵdaı kerisinshe onyń ómirin jaqsy jaqqa ózgertkenin aıtady. Muǵalimder otbasy oǵan sapaly bilim bergen. Onyń óz ata-anasynan kórmegen jylýlyq pen mahabbatty jańa otbasyna kórgen.

Rasanyń ápkesi kolhozda qalǵan. Onyń úsh erkekten tórt balasy bar. Al anasy ishimdikke ýlanyp kóz jumǵan. Ákesi qaterli isikten qaıtys bolǵan eken.

Qazir Rasa Germanıada turady. Ol qazaqstandyq azamatqa turmysqa shyqty. Olardyń bir qyzy bar. Rasa qazir jaqsy júre alatynyn aıtady.

Sholýshy: Sabına Ramazan