Memleket basshysy Úndistannyń Premer-Mınıstrimen kezdesý barysynda eki el arasyndaǵy qarym-qatynas ózara qurmet pen senimge negizdelgenin atap ótti. Bul týraly Qamshy aqparattyq agenttigi Aqordaǵa silteme jasap habarlaıdy. 

– Úndistannyń Shanhaı yntymaqtastyq uıymyna múshe bolý úderisi osydan 12 jyl buryn bastaldy. Erteń Úndistan da osy uıymnyń tolyq quqyly múshesi bolady. Úndistan sıaqty myqty eldiń qatarymyzǵa qosylýy birlesip sheshetin máseleler aıasyn keńeıtýge múmkindik beredi, – dedi Nursultan Nazarbaev.  

Memleket basshysy Qazaqstan men Úndistan ekonomıkanyń túrli salasynda ózara is-qımyldyń júzege asa qoımaǵan orasan zor áleýetine ıe ekenin atap ótti.

Úndistannyń Premer-Mınıstri  Nursultan Nazarbaevqa qonaqjaılyq kórsetkeni úshin rızashylyǵyn bildirdi.

–2015 jyly Qazaqstanǵa alǵash ret kelgenimde Sizdiń Astanany damytý jónindegi kózqarasyńyzǵa, Qazaqstannyń jalpy ekonomıkalyq ilgerileýine tánti boldym, – dedi Narendra Modı.  

Kezdesý sońynda taraptar ózara is-qımyldyń ózekti máseleleri jóninde pikir almasty.

Sholýshy: Aıgerim Taýbaı