Batys elderi Aýǵanstanǵa basyp kirgende talıbterdi qýýǵa tyrysty. Eń qyzý urystar Gılmend ólkesinde júrdi dep jazady Qamshy aqparattyq agenttigi bbc-ge silteme jasap.

Gılmendten batys elderi ketkennen keıin talıbter buryn aıyrylyp qalǵan kóptegen jerlerdi qaıtaryp aldy. Sodan beri álem Gılmendtegi adamdardyń taǵdyry men ómiri týraly eshteńke bilmedi.  

Alaıda Bı-bı-sı korespondenti Aýlıe Atrafı Mýsa Kala qalasyna barýǵa ruqsat aldy. Atalmysh qala talıbterdiń ortalyǵy dep aıtsa da bolady. 

Jýrnalıs eń aldymen qalanyń bazaryna soqty. Onda tek er adamdar júr. Bazarda qarýdyń oqtary erkin satylymda. Bireýin $25  alýǵa bolady. Odan keıin  Bı-bı-sı korespondenti at basyn mektepke burdy. Onda da tek er balalardy oqytyp jatyr. Alaıda qyzdarǵa da arnalǵan mektep bar ekenin aıtady. 

Mýsa Kalada aýrýhana da bar eken. Ol memleket tarapynan qarjylandyrylady. Alaıda onda dáriler jetispeıdi. Dáriger men pedıatorlar da joq. Munda keýde tusyn rentgenge túsirýge tyıym salynǵan. Mine endi sońǵy qalǵan hırýrgta jarty jyl jalaqy almaǵandyqtan ketip bara jatyr. 

Jýrnalıs talıbandardyń ókilimen kezdesip, suhbattasty. Halyq olarǵa jaýgershilikpen qaraıtynyn aıtady. Sebebi olardyń moınynda kóptegen kinásiz adamdardyń qany bar. Olar bılikke kelýdi kózdeıdi eken.

Munda qatań ortaǵasyrlyq zańdardy ustanady. Máselen, jetkinshek bala úndi fılmin kórgeni úshin oǵan 40 dúre soǵylǵanyn aıtqan. Munda mýzykalyq aspaptar men uıaly telefondarǵa tyıym salynǵan. 

Talıbterdiń basyp alǵan jerinde  Bı-bı-sı qyzmetkeri tórt kún boldy. 

Talıbter Gılmend qalasynyń kóp bóligin basyp aldy. Endi ony basqarý qajet. Alaıda talıbter zamanaýı álem men óz dástúrlerin qalaı baılanystyratyny áli belgisiz. 

Sholýshy: Ásem Álmuhanbet