It – bireýge eń jaqyn dos bolsa, bireýge súıikti as. 5 jastaǵy búldirshinniń óziniń jaqsy kóretin úı janýaryn ıttiń etin satatyn bazardan taýyp alǵan kezdegi sýreti áleýmettik jelide keńinen tarap, eldi biraz shýlatty, dep habarlaıdy Qamshy aqparattyq agenttigi.

Oqıǵa Vetnamnyń soltústik aımaǵynda bolǵan.

Qytaılyq «Jenmınjıbao» basylymynyń habarlaýynsha, óziniń «Gúldeste» dep atalatyn ıtin óte qatty jaqsy kórgen eken. Ekeýi úsh jyl boıy birge dos bolǵan, kenetten bir kúni ıti joǵalyp ketken.

Búldirshin birneshe kún boıy óziniń ıtin izdegenimen taba almady. Sóıtip, bir kúni ıt etin satatyn bazardan óziniń súıikti janýarynyń qýyrylǵan óli denesin taýyp alǵan.

Ittiń etinen jasalǵan taǵamdar Vetnam, Koreıa, Qytaı elderinde keńinen tanymal jáne úlken suranysqa ıe ekendigi belgili.

Sholýshy: Nazerke Labıhan