Qazaqstan kedendik kedergilerdi alyp tastap, Qytaıdan keletin týrıserge vıza berý rásimin jeńildetti. Bul jylyna bes mıllıon avtotýrısiń elimizge esh tejeýsiz kelýine múmkindik týǵyzady.
Keshe, 8 maýsym kúni, 18 adamnan turatyn avtotýrıser toby 5 avtoúımen Qazaqstan-Qytaı shekarasynan ótip, EXPO-2017 kórmesine bet aldy. Kórmege deıin olar Almaty qalasy men oblysyn aralap, Balqash kóliniń boıymen Qaraǵandy men Astana qalalaryna bet alady. Sondaı-aq olar Astana qalasyndaǵy EXPO-2017 kórmesin tamashalap, Kókshetaý qalasyn, Shýche-Býrabaı aımaǵy men Shyǵys Qazaqstan aýmaǵyn aralaýdy josparlap otyr.
Týrıserdiń Qazaqstan terıtorıasyna avtokerýen arqyly kelýi elimizdegi vıza berý men kedendik rásimderdi ońtaılandyrý jolyndaǵy qadamdarynyń biri bola turyp, eldegi ındýstrıa salasynyń damýyna óz septigin tıgizedi.
«Buǵan deıin biz úlken top týrıserdi kirgize almaıtyn edik. Sebebi olardyń árqaısysy bólek vıza alý rásimderinen ótý kerek edi. Bul 200 adamnan turatyn top úshin múmkin emes edi. Al qazir biz biryńǵaı toptyq vıza rásimdeı alatyn boldyq. Bul aıtarlyqtaı ýaqytty únemdetedi jáne de Qazaqstannyń týrısik baǵyt retinde tartymdylyǵyn arttyrady. Oǵan qosa, kólikterdi keden arqyly kirgizý rásimi de jeńildetildi. Osy toppen biz barlyq rásimderdi 2 saǵattaǵa-aq óttik. Munyń bári Qazaqstandaǵy týrızm salasynyń damýyna úlken úles qosatyny sózsiz. Al kólik kerýeni týrızmi týraly aıtatyn bolsaq, osy jazda biz Qazaqstannyń barlyq aýmaqtaryna sapar shegetin 400-500-ge jýyq avtokólikti kútýdemiz», - deıdi otandyq týrızm salasyndaǵy sarapshy Aıa Qusaınova.
Sarapshynyń aıtýynsha, Qytaıda tek qana avtoúımen sapar shegetin týrıser sany jylyna 5 mıllıonǵa jetedi. Týrızm jáne syrtqy baılanystar basqarmasynyń baǵalaýynsha, osyndaı týrısik baǵyttardy odan ári damytý úshin kempıng pen avtoúılerge arnalǵan turaqtardyń ınfraqurylymyna ınvestısıa tartý qajet. Almaty qalasynyń ákimdigi memlekettik jáne jeke-menshik sektorlardyń áriptestigi aıasynda avtoúılerge arnalǵan arnaıy turaqtardy damytý múmkindigin qarastyryp otyr.
