Qazirgi kezde keıbir er adamdar óz áıelderin uryp-soǵyp kún kórsetpeıtin boldy. Osyndaı oqıǵalardyń biri Anastasıanyń basynan ótipti.  Anastasıa Iakovlevanyń burynǵy kúıeýi  olıgarh Andreı Iakovlev balalaryn ózi tárbıelegisi keletinin aıtqan eken. Anastasıanyń aıtýyna qaraǵanda, kúıeýi ony únemi uryp-soǵatyn, tipti sońǵy kezderi qorqytyp, bopsalap ta júr eken.

Erli-zaıyptylar 5 jyl birge turypty. 52 jastaǵy mıllıoner men 24 jastaǵy sánbıkeniń nekesi kópshiliktiń qyzyǵýshylyǵyn týdyrǵan edi.

Bir kezderi Andreı óz áıelin aıýandyqpen uryp-soǵyp, úıden qýyp shyqqan kórinedi. Osydan keıin tanymal sánbıke óz quqyǵyn qorǵaý úshin sotqa aryz bergen.  Alaıda sot Anastasıany jalǵan kýágerlerdiń kesirinen kináli dep tapqan eken. Sosyn 1 jyldan keıin barlyq mánjaı anyqtalyp, Anastasıaǵa taǵylǵan aıyp alynyp tastalǵan. Olar ajyrasqanymen, Andreı 2 balasyn ózine qaıtarǵysy keletinin aıtyp, sotqa qaıtadan aryz jazypty. Olardyń ortaq 2 balasy bar.

Onyń burynǵy kúıeýi áıelimen aırylysqannan keıin onyń ómirin tozaqqa aınaldyrǵan.  Únemi qorqytyp, bopsalap, balalaryn tartyp alamyn dep aıtyp júrgen. Túnde únemi belgisiz bireý esiktiń qulypyn buzyp ketip qorqytady eken. Olardyń tuńǵysh uly Mark ákesimen turý bylaı tursyn, kórisýden de bas tartypty.

«Men onymen birge turǵym kelmeıdi. Ol meni taǵy da belbeýmen urady», - degen 5 jastaǵy Mark.

Osy iske baılanysty tergeý jumystary júrgizilip jatyr.

Aýdarǵan: Ásel Óteshova