Búgin Atyraý «Qurmet» ordeniniń ıegeri, kórnekti qoǵam qaıratkeri, ekonomıka ǵylymdarynyń doktory, profesor, Ulttyq bilim akademıasynyń akademıgi, elimizdiń joǵary bilim berý salasynyń damýyna zor úlesin qosqan Nuryshev Ǵalymjan Jumabaıulynyń 1995-2004 jyldary turǵan úıine eskertkish taqta ornatý rásimi ótti.
Sharaǵa ǵalymnyń týǵan-týystary, qyzmettesteri, dos-jarandary men oblys jurtshylyǵa qatysty.
Taqtanyń ashylý rásiminde sóılegen oblys ákimi Nurlan Noǵaev Ǵalymjan Nuryshevtyń kásibı biliktiligi men adamı qasıetterin tilge tıek etip, onyń ómir jolynan keıingilerdi úlgi alýǵa shaqyrdy.
Jıynda sonymen qatar Halel Dosmuhamedov atyndaǵy Atyraý memlekettik ýnıversıtetiniń rektory Abzal Ahatuly Taltenov, Atyraý oblysy qoǵamdyq keńesiniń múshesi Ánes Bısenuly, aqyn-jazýshy Júsip Qadir sóılep, jıylǵandardy estelik taqtanyń ashylýymen quttyqtady.
Budan soń H.Dosmuhamedov atyndaǵy Atyraý memlekettik ýnıversıtetinde profesor Nuryshev Ǵalymjan Jumabaıulyn eske alýǵa arnalǵan «Jaqsynyń jaryǵy óshpeıdi» atty dóńgelek ústel ótti.
