Keshe Reseıdiń kóptegen qalalarynda opozısıalyq qarsylyq aksıasy ótti dep habarlaıdy Qamshy aqparattyq agenttigi bbc-ge silteme jasap. Polısıa 1000 adamdy ustady. Sarapshylardyń aıtýynsha, Reseı kúninde narazylyq sherýiniń ótýi eń aldymen opozısıalyq belsendiliktiń artqanyn kórsetedi. Ustalǵandardyń arasynda Alekseı Navalnyı da bar. Ony 30 kúnge qamaýǵa alý týraly sheshim shyqty. Opozısıalyq belsendi Navalnyıdy úıinen shyǵyp bara jatqan jerinen polıseıler ustap áketken. Bul týraly onyń áıeli BAQ habarlap aıtqan. 

Kırıll Rogov, pýblısıs

Qazir biz burynǵymen salystyrǵanda adamdardyń narazylyq sherýine shyǵýǵa degen joǵary daıyndyǵyn kórip otyrmyz. Polısıanyń da jaqsy daıyndalǵanyn baıqaýǵa bolady. Pýshkın alańyna aksıany boldyrmaýy úshin kelgen polıseılerdiń sanynda shek joq.

Eger Máskeýdegi aksıany aıtar bolsaq, narazylyq sherýine shyqqan adamdardyń sany 2011-2012 jyldardan beri óspegen. Desek te, eki ózgeris bar. Birinshiden, jastardyń belsendiligi artty. Ekinshiden, qarsylyq aksıasynyń shekarasy keńeıe tústi. Basty qalalardan shalǵaıda ornalasqan qalalarda óz narazylyqtaryn bildire bastady.

Degenmen, bıleýshi rejımge saıası daǵdarys ákeletindeı deńgeı týraly aıtý erte.

Vácheslav Danılov,Saıası saraptama Ortalyǵynyń atqarýshy dırektory

Saıası turǵyda bul qarsylyq aksıasy Navalnyı úshin tıimdi. Tipti Máskeýde emes, ózge aımaqtarda adamdar narazylyq sherýine shyqqan. Onda Navalnyı óz shtabyn ashty. Ol úshin bul úlken jetistik.

AQSH Prezıdentiniń baspasóz hatshysy Shon Spaıser qarsylyq aksıasyna qatysqandardy dereý bosatýǵa shaqyrdy. Sonymen qatar, polısıa tarapynan ustalǵandardy bosatýdy halyqaralyq Amnesty International quqyqqorǵaý uıymy da talap etti. 

   Sholýshy: Ásem Álmuhanbet