Asa taıaǵy qolynan túspeı, “Attan, qazaqqa” basyp júretin Amantaı qajy EKSPO kórmesine kelgen. Qatty sóılep, jurtty aýzyna qaratqan qajymen qazaqstandyqtar ǵana emes, sheteldikter de sýretke túsýge asyǵyp júr dep jazady Qamshy aqparattyq agenttigi  Sputnik Qazaqstan silteme jasaı otyryp.

Amantaı qajy kórme ashylǵannan beri osynda júr eken.

“EKSPO kórmesinde úshinshi kún júrmin. Kórme keremet. Qazaqstannyń pavılonynda boldym. Ózbekstan, Túrikmenstan, Ázirbaıjan, Japonıa pavılondarynda meni jaqsy qarsy alyp, syı-qurmet kórsetti. Astanada mynadaı tamasha dúnıejúzilik toı ótip jatyr. Mereke qutty bolsyn. Prezıdentimizge arnaıy juma kúni “Haziret sultan” meshitinde bata oqydym. Qazaq halqynan shyqqan birinshi Elbasy, Táýelsizdiktiń týyn kótergen prezıdentimiz aman bolsyn!”, — dedi “Attan, Qazaqstan!” qozǵalysynyń jetekshisi Amantaı qajy.

Osydan keıin Amantaı qajy ádetinshe asa taıaǵyn kókke kóterip, kijine sóılep ketti:

“Mafıa, korrýpsıa joıylsyn! Men jaǵympaz emespin! Qazaqtyń qazirgi jaǵdaıyn bilesińder, kóp bastyqtar elimizdi tonap, qashyp júr! Nazarbaev solardy ustasyn! Mynadaı uly baılyq tek qana Qazaqstanda bar! Qazaqstan máńgi-baqı uly memleket bolsyn!”.

Munymen qoımaı, Amantaı qajy sóz sońynda qazaq eliniń ánuranyn oryndap berdi. Osylaısha, “Attan, qazaqqa” basqan qajymen kórmege kelgen úlken-kishi sýretke túsýge asyqty. Olardyń arasynda sheteldikter de kóp.

Sholýshy: Ásel Óteshova