Rejıser Olıver Stoýnnyń «Pýtınmen suhbat» fılminiń alǵashqy bólimin Showtime kabeldi arnasy kórsetti. Onda Reseı prezıdenti kólik júrgizedi, AQSH bıligin terrorısterdi qoldady dep aıyptaıdy, Gorbachevti synaıdy, sondaı-aq kóp aıta bermeıtin otbasy jaıynda da sóz qozǵaıdy. Qamshy aqparattyq agenttiginiń tilshisi Bı-bı-sı orys qyzmetiniń jarıalaǵan suhbatyn qazaq tiline aýdaryp, oqyrman nazaryna usynady.
Vladımır Pýtınniń aıtýynsha, AQSH-tyń arnaıy qyzmeti Sheshenstandaǵy jaýyngerlerge kómektesken. Tipti oǵan dálel de bar kórinedi. Sondaı-aq Aýǵanstandaǵy «Ál-Kaıdanyń» qurylǵanyna Vashıngtonnyń qatysy baryn málimdedi. NATO-ny shyǵysqa qaraı taratpaýǵa kepildik ala almaǵan KSRO-nyń burynǵy prezıdenti Mıhaıl Gorbachevti synnyń astyna aldy.
Kavkazdaǵy jaýyngerlerge qoldaý kórsetken amerıkalyqtar jaıynda
Sheshenstan men Soltústik Kavkazǵa qatysty máseleler týyndaǵanda amerıkalyqtar bul prosesti qoldaǵan edi.
«Bizdiń amerıkalyq seriktesterimiz Reseıdi qoldaý maqsatynda elmen birigip terorızmmen kúresý úshin seriktestik ornatýǵa daıyn ekenderin aıtqan. Al shyn mánisinde olar terrorısterdi Reseıdegi ishki saıası jaǵdaıdy júrgizý úshin paıdalanyp otyr», - dedi Reseı basshysy «Pýtınmen suhbat» fılminde amerıkalyq rejıser Olıver Stoýnǵa bergen suhbatynda.
Pýtınniń aıtýynsha, Reseı qoldaý kútken, alaıda onyń ornyna amerıkalyq arnaıy qyzmettiń terrorısterdi qoldaǵanyn kórgen.
«Ál-Kaıdanyń» qurylǵanyna AQSH-tyń qatysy jóninde
Rejıser Olıver Stoýnǵa bergen suhbatynda Pýtın «Ál-Kaıdany» amerıkalyqtar ósirgen dep málimdegen.
-Bul Aýǵanstandaǵy keńestik soǵys kezinde bastalǵan. Aýǵanstandaǵy keńes áskerlerimen kúresý úshin amerıkandyqtar «Ál-Kaıdany» jasaǵan. Sodan keıin barlyǵy shekten shyǵyp ketken. Bizdiń seriktesimiz AQSH bul týraly bilýi tıis edi. Bul solardyń kinási, - deıdi Pýtın.
Reseı prezıdentiniń aıtýynsha, Qurama Shtattar terrorısterdi Reseıdegi saıası jaǵdaılardy retteýge de qoldanbaqshy bolǵan. Máselen, Sheshenstandaǵy soǵys kezinde AQSH terrorısterdi qoldaǵan.
11 qyrkúıekten keıingi AQSH-tyń qoldaýy
«Biz kelesi kúni ıadroly strategıalyq kúsh ilimderi jóninde jospar qurǵan edik. Men olardan bas tarttym.
Jáne AQSH prezıdentiniń bul jóninde bilgenin qaladym. Árıne osyndaı jaǵdaıda birinshi adam morldyq, saıası qoldaýǵa muqtaj bolatynyn jaqsy túsindim».
Gorbachev jáne NATO-ny keńeıtý
«Germanıany biriktirý, Shyǵys Eýropadaǵy Keńes áskerlerin shyǵarý jóninde másele talqylanǵanda, AQSH-tyń resmı tulǵalalary, NATO-nyń bas hatshysy – bári NATO-nyń shyǵys shekarasynyń búgingi Germanıa Demokratıalyq Respýblıkasynyń shyǵys shekarasynan da keńeıe túsetinin aıtqan.
Alaıda sheshim qujat túrinde jazylmaǵan. Bul Gorbachevtiń qateligi. Saıasatta bárin belgilep júrý qajet. Tipti belgilengen dúnıelerdiń ózi búlinip jatady. Biraq Gorbachev aýyzben aıtty da, qoıa saldy. Bulaı bolmaıdy».
KSRO-nyń qulaýy
«Keńes úkimetiniń qulaǵanyna ókinetinime qatysty maǵan kóp syn taǵyldy.
Máseleniń mańyzy mynada – Keńes úkimeti qulaǵanda, 25 mıllıonǵa jýyq orys halqy bir túnde-aq shekaradan shyǵyp qaldy. Ony 20 ǵasyrdyń eń iri apaty dep bilemin.
Gorbachev úshin de, ózgeleri úshin de memelekttiń aýys-túıiske muqtaj bolǵany anyq edi. Al olar ondaı aýys-túıiske qalaı qol jetkizý kerektigin bilmegen, men muny asa senimdilikpen aıta alamyn.
Memlekettegi jaǵdaıdy ózgerte otyryp, ony saqtap qalýdy Gorbachev bilmegen, sonyń kesiri iri apatqa ákelip soqty».
Borıs Elsınniń sheshimi jóninde
Ol meni shaqyryp, prezıdenttikke saılaýǵa túsýime múmkindik týatyndaı premer-mınıstr etip taǵaıyndaǵysy keletinin aıtty. Men bul usynystyń óte úlken jaýapkershilik ekenin jaqsy túsindim, daıyn emesimdi aıttym.
Elsınniń ne sebepti dál meni tańdaǵanyn bilmeımin.
Bir nárseni aıta keteıin, jaı ǵana sheneýnik bolý ózge adamdarmen qatar ómir súrý degen sóz – qonaqqa barý, kıno, teart aralas, dostarmen aralasý, mıllıondaǵan adamdardyń jaýapkershiligin arqalamaý.
Al búkil Reseıdiń jaýapkershiligin moıynǵa alý – ol ońaı sharýa emes. Shynymdy aıtsam, ol kezde Elsınniń qandaı jospary bar ekenin bilmegenmin. OL meni kez kelgen ýaqytta bosatýy múmkin edi.
Ol kezdegi meniń jalǵyz oıym – «balalardy qaıda jasyrsam bolady?».
Ózińiz oılap kórińizshi: meni laýazymdy qyzmetten bosatty delik. Qolymda túk joq, kúzetim de joq. Ne isteımin? Qalaı ómir súremin? Otbasymdy qalaı asyraımyn?
Sóıtip ózim úshin naqty sheshim qabyldadym – aqyry bárin bastaǵan ekenmin, sońyna deıin júremin. Alaıda ózimniń prezıdent bolatynyma 100% senimdi bolmaǵanmyn jáne oǵan kepil de bolmady».
Otbasy, bala-shaǵasy jaıynda
Rejıserdiń «Nemerelerińizdi jaqsy kóresiz be?» degen suraǵyna Pýtın oılanbastan «Qatty!» dep jaýap berdi. Alaıda, olarmen kóp ýaqyt ótkize almaıtynyna ókindi.
Pýtın qyzdaryn maqtan tutatynyn, olardyń otbasymen kezdesip turatynyn aıtty. Sondaı-aq kúıeý balalarymen dıskýssıaǵa túsip, keıbir máselelerdi talqylap turatyn kórinedi.
«Biz sóz talastyrmaımyz, dıskýssıaǵa túsemiz, qyzdarym da aralasady. Biraq olar saıasat, kásip degenderden boılaryn aýlaq ustaıdy. Bári ǵylym, bilimge jaqyn».
Vladımır Pýtın men onyń burynǵy áıeli Lúdmıla Pýtınniń eki qyzy bar: Marıa men Katerına. Olardyń ómirleri jaıynda resmı derek joq. Tek keı BAQ-tardyń máoimetine súıensek, Marıa ǵylymmen aınalysady, golandyq kásipker Iorrıt Iost Faasenniń jary. Tilshilerdiń aqparatynsha, Katerına Máskeý memlekettik ýnıversıtetiniń ǵylymı jobalarymen aınalysatyn «Innopraktıka» qoryn basqarady. Mıllıarder Kırıll Shamalovtyń jary. Pýtın muny eshqashan rastamaǵan.
Aýdarǵan: Gúlim JAQAN
