Almaty oblysynda Memleket basshysynyń atynan óńirdegi jaǵymdy jańalyq jarshysy bolyp júrgen qos birdeı mamanǵa páter kilti tabystalyp, aqparat salasyna sanaly ǵumyryn arnaǵan jýrnalıser qaýymyna memlekettik nagradalar berildi. Mártebeli marapattar men baspana kiltterin oblys ákimi Marat Sultanǵazıev tabystap, BAQ ókilderin kásibı merekesimen quttyqtady, – dep habarlaıdy Almaty oblysy ákiminiń baspasóz qyzmeti.
Saltanatty rásimde «Alataý araıy» gazetiniń bas redaktory Qýanysh Tuńǵatar men «Ólke tynysy» JSHS-nyń baspa qyzmetindegi úılestirýshisi Janat Toqanova baspana baqytyna keneldi. Sondaı-aq ardager jýrnalıs, «Ólke tynysy» JSHS basshysynyń keńesshisi Kádirbek Qunypıauly «Parasat» ordenimen, «Eńbekshiqazaq» gazetiniń tilshisi Igor Týranın «Eren eńbegi úshin» medalimen, «Alataý araıy» gazetiniń jaýapty hatshysy Sholpan Nurjaýova «Shapaǵat» medalimen marapattaldy. Sondaı-aq birqatar medıa maman «Eńbek ardageri», «Aqparat salasynyń úzdigi», Qurmet gramotasy men Alǵys hat ıegeri atandy.
Marat Eleýsizuly marapat alǵandar men jańa qonys ıelerin shyn júrekten quttyqtaı otyryp, bul BAQ ókilderiniń el damýyna, aqparat keńistiginiń órkendeýine qosqan eleýli úlesiniń aıqyn kórinisi ekenin aıtty.
«Sizder kún saıyn el ómirindegi mańyzdy oqıǵalardy halyqqa jedel ári shynaıy jetkizip, qoǵam men memleket arasyndaǵy baılanystyń nyǵaıýyna úlken úles qosyp kelesizder. «Qalam eldi túzeıdi» dep beker aıtylmasa kerek. Sizderdiń kásibı biliktilikterińiz, tabandy eńbekterińiz ben azamattyq ustanymdaryńyz qoǵamnyń damýyna qyzmet etip keledi. Ult qundylyqtaryn dáriptep júrgen jýrnalıserge halyq úlken úmit artady. Osyndaı qasıetti de qasterli iste qalamdaryńyz muqalmasyn!
Memleket basshysy Qasym-Jomart Toqaevtyń bastamasymen jýrnalıserge kásibı mereke qarsańynda Astanadan baspana berilip júrgenin jaqsy bilesizder. Bıyl bul ıgi bastama óńirlerde jalǵasyn tapty. Almaty oblysy da osy qatarda. Bul – sanaly ǵumyryn óńirimizdiń tynys-tirshiliginen habar taratýǵa arnap, qajyrly eńbek etip júrgen jýrnalıserge berilgen laıyqty qurmet», – degen aımaq basshysy jýrnalıser qaýymy úshin taǵy da jaǵymdy jańalyqty jarıa etti. Aıtýynsha, bıyldan bastap «Alataý» óńirlik ıpotekalyq baǵdarlamasyna «Buqaralyq aqparat quraldary» sanaty qosyldy. Endi Almaty oblysynda jumys isteıtin jýrnalıser osy baǵdarlamaǵa qatysa alady. Odan bólek, medıa salasynyń úzdikterin yntalandyrý maqsatynda óńirimizde jyl saıyn «Samǵaý» medıa syılyǵy uıymdastyrylyp keledi. Bıyl da jyl sońynda «Samǵaýdyń» jeńimpazdary marapattalady. Osy joly «Taza Qazaqstan», «Zań men tártip» taqyrybynda jazylǵan úzdik maqala, telesújet jáne beınerolıkterge basymdyq beriledi. Sondaı-aq oblystyń áleýmettik-ekonomıkalyq damýyn keńinen nasıhattaýǵa atsalysqan jýrnalıser de nazardan tys qalmaıdy.
Kásibı mereke qarsańynda sý jańa páter ıesi atanǵan Qýanysh Tuńǵatar baspanaly bolý árbir jýrnalısiń, árbir mamannyń armany ekenin aıtyp, sol armandy oryndaǵan Prezıdentke, oblys ákimdigine alǵysyn aıtty.
«Qazaq jýrnalısıkasynyń jolbarysy atanǵan Sherhan Murtazanyń «Jýrnalısiń arqalaǵany alǵys, jegeni jantaq» deıtini bar. Búgin bul támsildi ózgertýge týra kelip turǵandaı. Óıtkeni bir jylda 365 kún bolsa, tilshiler onyń 364 kúnin ózgeniń jyryn jyrlap, muńyn muńdap, múddesin qorǵaýmen ótkizedi. Sonyń ishinde bir kún, ıaǵnı Buqaralyq aqparat quraldary qyzmetkerleri kúninde barsha tilshiler qaýymynyń mereıi tasyp, arqalanyp qalatyny bar. Almaty oblysy Prezıdenttiń Jarlyǵymen ekige bólinip, oblys ortalyǵy Qonaev qalasyna kóshirilgennen bergi tórt jyl ýaqytta alǵash ret BAQ ókilderine baspana berilip tur. Bul eń aldymen Memleket basshysynyń, odan keıin oblys ákimdiginiń nátıjeli jumysynyń jemisi», – dedi Qýanysh Abaıbekuly.
Halyq pen bılik arasynda altyn kópir bolyp, el múddesin bárinen bıik qoıǵan jýrnalıserdiń eńbegi árqashan qurmetke laıyq. Al Almaty oblysyndaǵy BAQ ókilderiniń qýanyshy munymen shektelmeıdi. Joǵaryda atap ótkendeı, endi olar «Alataý» óńirlik ıpotekalyq baǵdarlamasyna qatysyp, baspanaly bola alady. Sondyqtan jýrnalıser qaýymyn qýanyshqa bóleıtin jaǵymdy jańalyqtar legi áli de jalǵasatyn bolady.
