Bul oqıǵa Maıamıde osydan birneshe jyl buryn bolǵan. 37 jastaǵy Pamela Raýseo óziniń jıeni Sebastánmen  serýennen soń qaıtyp bara jatqan. Jol boıy bala jylap mazasy ketken. Bir mezette onyń daýsy múldem shyqpaı qalǵan. Pamela balanyń basyn buryp qaraǵanda onyń qozǵalmaı qalǵanyn bozaryp bara jatqanyn baıqaǵan.

Áıel tez arada otyrǵan avtokóliginen shyǵaryp alyp oǵan qoldan dem aldyrǵan. Muny kóshede kele jatqan fotokorrespondent túsirip alǵan.

Birneshe adam toqtap Pamelaǵa kómektesýge tyrysqan. Polıseıler oqıǵa orynyna jaqyn jerde bolyp balany  ómirge qaıta keltirýge kómektesken.

Jedel járdem shaqyrylǵan. Alaıda kómek kelem degenshe Sebastánnyń júrek soǵysy qaıta  joǵala bastaǵan.  Osy kezde Pamela balany qoldan em alǵyzýǵa tyrysqan.

Bala shala týylǵan eken. Onyń tynys joldaryna baılanysty problemalary bolǵan.

Osyǵan deıin birneshe jyl buryn Pamelanyń óz uly da týra osyndaı jaǵdaıdan o dúnıelik bolyp kete jazdaǵan. Sol kezde ony jedel járdem qutqaryp qalǵan. Osy jaǵdaıdan keıin Pamela alǵashqy medesınalyq kómek berý kýrstaryna jazylyp úırenip alǵan. Mine, osy bilimi onyń óz jıeniniń ómirin saqtap qalýǵa kómegin tıgizen.

Alaıda, Pamelanyń aıtýy boıynsha, ol tótenshe jaǵdaı oryn alǵanda óziniń kýrsqa barǵanyn múldem umytyp ketken. Barlyq nárseni avtomatty túrde jasadym deıdi áıel. «Ápkem maǵan balasyn tabystady. Men onyń amanatyna qıanat jasamaýym kerek boldy»-deıdi Pamela. Qazir onyń jıeniniń densaýlyǵy jaqsy. 

Kúndelikti ómirde aıaq asty, tótenshe jaǵdaılarǵa tap bolyp jatamyz. Sol kezde adamnyń ómirin bir-eki mınýt, keıde sekýnttar sheshim jatady. Eń bastysy barlyǵyn ýaqytynda, sesh sasapaı, qoryqpaı isteý. Qorqynysh pen baıbalamǵa salyný siz ben jaqynyńyzdyń ómirin qutqarmaıdy, osyny este saqtaǵan jón.

Daıyndaǵan: Nazerke MUSA