Qazkommersbanktiń iri aksıonerleri Halyq Bankimen satý-satyp alý kelisimshartyna qol qoıdy dep habarlaıdy Qamshy.kz

2017 jylǵy 14 maýsym, Almaty – Bul habarlamamen «Kazkommersbank» AQ («Kazkommersbank») búgin K.H.Raqyshev myrza men «Qazaqstannyń Halyq Banki» AQ («Halyq banki») arasynda, sondaı-aq «Samuryq-Qazyna» UÁAQ» AQ-y («Samuryq-Qazyna») men Halyq banki arasynda satý-satyp alý kelisimsharttaryna qol qoıylǵany jóninde habarlaıdy jáne osy shartqa sáıkes K.H.Raqyshev myrza men Samuryq-Qazyna qory ózderine tıesili Qazkommersbanktiń aksıalary paketin Halyq bankige ár paketin 1 teńgege satatyn boldy.  

Atalǵan satý-satyp alý kelisimsharttaryna qol qoıý 2017 jylǵy 2 maýsymda QR Úkimetimen, QR Ulttyq Bankpen, «Samuryq-Qazyna» UÁAQ» AQ, «Problemalyq kredıtter qory» AQ, Halyq Banki, «BTA Bank» AQ jáne Qazkommersbank pen K.H.Raqyshev myrzamen qol qoıylǵan Shekti Kelisimmen qarastyrylǵan. 

Osy Mámileniń aıaqtalýy aldyn-ala qarastyrylǵan birqatar sharttardyń oryndalýyna baılanysty, olar: 

•         «Problemalyq kredıtter qory» AQ-nyń «BTA Bank» AQ-nan jekelegen aktıvteri men talap etý quqyǵyn satyp alýy;

•         BTA Banktiń Qazkommersbank aldyndaǵy 2,4 trln teńge shamasynda ssýdalyq bereshegin óteýi;

•         N.S.Sýbhanberdın myrzaǵa jáne «Ortalyq-Azıa ınvestısıalyq kompanıasy» AQ-na tıesili Qazkommersbanktiń aksıalar paketin K.H.Raqyshev myrzanyń satyp alýy jáne keıin olardy Halyq bankige satýy;  

•         Qazaqstanda baqylaýshy organdardan standartty jáne qoldanylatyn ózge de zańdy ruqsattardy alýy.  

Mámile jabylǵan soń Halyq bank 96,8% úlesimen Qazkommersbanktiń negizgi aksıoneri bolady. 

Atalǵan Mámile 2017 jyl ishinde aıaqtalady dep kútilýde.