Almatydaǵy ardagerler úıindegi qarıalarǵa gazet satqyzyp, aqsha májbúrleıtindigi jaıynda emdelýshi qarttardyń biri aıtyp berdi, dep habarlaıdy Qamshy aqparattyq agenttigi.

Instagram jelisinde ztb_video tobynda ardagerler úıindegi shyndyqtyń betin ashqan vıdeo jarıalandy.

Vıdeony joldaýshylardyń biri kóshede kórgen oqıǵasymen bólisip, ony vıdeoǵa túsirip ınternetke joldaǵan. Kóshedegi qarıalardyń biri qaqpanyń artqy jaǵynda turyp ári-beri ótken adamdardan gazet satyp alýyn ótingen. Kýágerlerdiń aıtýynsha, olardy ardagerler úıiniń qyzmetkerleri qınap osyndaı iske salady eken.

«Bul kóriniske mán bermeı ótip kete almadym. Qaqpanyń ar jaǵynda turǵan bul qart kisi kóshede ótken adamdarǵa gazet kórsetip, ony satyp alýlaryn ótinip turdy. Alaıda, adamdar olardyń sózderin qulaqtaryna da ilmedi. Ne bolǵanyn suraıyn dep barǵanymda, ol kisiniń bir gazetti 35 teńgeden satyp turǵanyn bildim. Alaıda, nege? Belgili bolǵandaı, bul ardagerler úıi eken jáne bul jerde aqshasy joq ardagerlerdi osylaı aqsha tabýǵa májbúrleıdi eken. Sonymen qatar, olardyń alatyn zeınetaqysyn da bireýler alyp qoıatyn tárizdi. Olar osynda turady, kúnine úsh kún tamaqtandyrady, kıindiredi. Biraq, kim sál ǵana keshikse ash qalady eken. Jaqyn mańda turatyn adamdar olarǵa azdap tamaqtar alyp kelip, kómektesip turady eken. Nege ardagerler, zeınetkerler mundaı jumys atqaryp, ótken-ketken adamdardan tamaq alyp kelýin tileıdi? Mundaı soraqylyqty joıatyn adam joq pa? Almaty, Momyshuly dańǵyly, Ardagerler úıi», - dep jazady vıdeo avtory.

Sholýshy: Nazerke Labıhan