Janarmaı tapshylyǵy elimizdiń keıbir aımaqtarynda qaıta sezile bastady. Almatyda ótken jumadan beri iri janarmaı quıý beketterinde benzın talonmen ǵana satylýda. Bul týraly Astana telarnasyna silteme jasap Nur.kz habarlady.

Halyq arasynda suranysy joǵary AI-92 jáne AI-93 markaly benzın túrlerin quıý úshin, kólik júrgizýshiler keı beketterde saǵattap kezek kútýde. Qyrkúıekte elimizdiń barlyq aýmaqtarynda janarmaı tapshylyǵy halyqty birshama ábigerge túsirgen edi. Ol kezde tıisti memlekettik mekemeler ahýaldy eldegi úsh birdeı munaı óńdeý zaýytynyń kúrdeli jóndeýge jabylýymen túsindirgen bolatyn.

Eske salsaq, Energetıka mınıstriniń birinshi orynbasary Uzaqbaı Qarabalın elde beleń alǵan janarmaı tapshylyǵyna qatysty jaǵdaı qazannyń ekinshi bóliginde turaqtalatynyn aıtqan edi.

Qamshy-aqparat