AQSH Prezıdenti Barak Obama Ýkraın halqyn sátti ótken Parlament saılaýymen quttyqtap, Ýkraına bıligine Qyrymdy qaıtaryp alýǵa kómektesýge ýáde berdi. Bul týral Ýkraınalyq aqparat quraly Senzor.NET habarlady.

Obama óz málimdemesinde: «Amerıka halqynyń atynan 26 qazanda ótken Parlament saılaýynyń sátti ótýimen Ýkraına halqyn quttyqtaımyn. Qaýipsiz jáne bólinip ketken óńirler sferasyna qaramastan mıllıondaǵan ýkraındyqtar óz elinde tártipke túsken beıbit jaǵdaıda daýys bere bildi. Men Ýkraına úkimetine halyqaralyq jaýapty standarttarǵa saı ótti dep halyqaralyq uıymdar baǵalaǵan saılaýdy ótkize bilgenin úshin alǵys bildiremin», - degen. Sondaı-aq ol Reseı okýpasıalaǵan Qyrym men Ýkraına shyǵysyndaǵy reseıshil qarýly kúshterdiń kóptegen Ýkraına azamattarynyń demokratıalyq quqyqtaryn shektegenin aıtqan. Obama Ýkraınada 26 qazanda ótken saılaý -  Ýkraınanyń damýdyń jańa satysyna ótkendigi dep sanaıdy. Obamanyń sózinshe, AQSH Ýkraınanyń terıtorıalyq tutastyǵyn, memlekettik sýverenıtetin qoldaıdy jáne Ýkraına shyǵysynyń beıbit jaǵdaıda tártipke kelýi men Qyrymdy qaıtaryp alýy úshin jumystar isteıtin bolady.