Qazaqstandyq jigit áleýmettik jelidegi tikeleı efır kezinde óz-ózine qol jumsady, dep jazady Qamshy aqparattyq agenttigi. Bekjan Qankenovtyń ólimi týraly Facebook jelisinde onyń qurbysy Alena Mıroshnıchenko jazdy.
"Dostar, Beka endi aramyzda joq. Asylyp qalypty jáne bárin tikeleı efırge túsiripti. Paraqshasy buǵattalǵan", — dep jazdy Mıroshnıchenko jeke paraqshasynda.
Sputnik Qazaqstan qaıtys bolǵan azamattyń qurbysymen telefon arqyly habarlasty.
"Ol meniń Feısbýktegi jaqyn dosym edi, biraq Feısbýkten tys ta aralasatynbyz. Birneshe ret mynadaı jazbalar jazǵan: "Júregim aýyrady, ómirmen qosh aıtysqym keledi, ólip ketsem be eken". Qaıdaǵy-joqty jazyp, qaljyńdaıtyn… Tańerteń onyń qurbysy jazdy. Jaqynda qońyraý shalyp, denesiniń áli ilýli turǵanyn aıtty. Polısıany kútip, túsirmeı otyr eken. Úıi Qoıanqus aýylynda. Ol jaqsy, meıirimdi jigit bolatyn, jumsaq oıynshyqtarmen birge uıyqtaıtyn… Bekjan — sýretshi", — dedi suhbat berýshi telefon arqyly.
Alena Mıroshnıchenko sózine súıensek, Bekjan Qankenov ekeýi áleýmettik jeliden tys ta jaqsy dostar eken. Ómirde de aralas-quralas bolǵan kórinedi.
"Biz 2014 jyly Feısbýkte tanystyq. Aralasyp, ómirde de kezdestik — áleýmettik jelide dos bolǵasyn, ómirde de kezdeseıik dep sheshtik. Tanysyp, dostarymyzben jınaldyq. Káýap jeýge, syra ishýge, konsertke, klýbqa baratynbyz… Ony bári jaqsy kóretin. Paraqshalaryn únemi aýystyryp otyrýshy edi, sebebi únemi buǵattap tastaıtyn".
Ólimniń mán-jaıyna keler bolsaq, suhbat berýshi ol jaǵynan beıhabar eken. Biraq Mıroshnıchenko budan buryn da dosynyń sýısıd týraly oılaryn baıqapty.
"Ózimen sóıleskenimde: qaljyńdaımyn, máńgilik ómir súremin deıtin. Ózine nazar aýdarǵysy keletin. Bir qyzben renjisip qalsa, "júregim toqtap qaldy dep aıta salyńdar" degen post jazatyn. Sony kórip ózine jaza bastasań: "Joǵa, aman-esenmin, jaı ana bir qyzdyń nazaryn aýdaraıyn degenmin" deıdi. Ózine kóńil bólgenin qalaıtyn. Mas bolmasa, minezi jaısań. Biraq kóbine mas bolyp júrýshi edi", — dedi Mıroshnıchenko.
Kóz jumǵan jigittiń FB paraqshalarynyń birinde ótken túni shyqqan habarlama bar: "Bárińdi jaqsy kóremin. Búgin ishimdik ishemin. İlmek jasady, asylyp qalǵym keledi".
İle aýdandyq İİB Qoıanqus aýylynda turatyn Bekjan Qankenovtyń óz-ózine qol salǵany týraly málimetti rastady. Jigittiń denesi tańerteń 7:29-da tabylǵan.
Sholýshy: Gúlim Jaqan
