Keıbir dinder men senimderde qaıta tirilý, qaıta ómirge kelý konsepsıasy qalyptasqan. Basqasha aıtqanda «reınkarnasıa». Bul uǵym boıynsha adamnyń jany táni ólgen soń tozaqqa da, jumaqqa da barmaıdy. Tipti bólek. Basqa ómirge keledi.

Birde patsha bolǵan adam qaıta týylyp qoı baǵýshy bolýy  múmkin degen syndy pikirler bar. Osylaısha adam rýhy ózine tıeslini júrip ótpeıinshe qaıta tirilip, qaıta ómir súre beredi.

Osyǵan baılanysty kópshilik adamdar reınkarnasıaǵa senedi. Alaıda Djoı Verveı esimdi qyzben bolǵan oqıǵa tipti ózgeshe.

3 jasynda Djoı  áke-sheshesine túrli tylsym oqıǵalar aıtyp berip otyrǵan. Kishkene qyz óziniń osyǵan deıingi súrgen ómirleri jaıynda aıtqanda onyń áke-sheshesi qatty tańqalyp, tipti shoshyp ketken. Eresekter Djoı bul oqıǵalardy qanshalyqty detaldi aıtatynyn tyńdap jaǵa ustaǵan..

Ol 5 jasqa kelgende barlyq jýrnalıser men basylymdar onymen suhbat júrgizýge kezekte turǵan kórinedi.

Alǵashqy adam bolǵan kezdegi estelikterin aıtyp berý arqyly ol mamandardy Ońtústik Afrıkadaǵy úńgirlerge deıin alyp shyqqan. Keıinnen adamdardyń arǵy atalary osy úńgirde ómir súrgendikteri dáleldengen.

Djoı óziniń Mysyrda qalaı qul bolǵanyn da eske alǵan. 18 ǵasyrda Afrıkada, Rımde ómir súrgen kezderin de aıtyp bergen.  Tipti ol keıbir eski sýretterde baıaǵydaǵy ózin taýyp alǵan.

Eń qyzyǵy, boıjetkenge egde jastaǵy kisini alyp kelgende, biraz ýaqyttan keıingi áńgimeden soń álgi kisiniń anasy týraly barlyq málimetterdi boıjetkenniń bilip otyrǵanyna qatty tańqalǵan.

Sholýshy: Sabına Ramazan