Kásipqoı boksshy Qanat Islam Almaty qalasynyń ákimi Baýyrjan Baıbekke chempıondyq belbeýin tartý etti dep habarlaıdy Qamshy aqparattyq agenttigi.
"Sportqa janashyrlyǵyńyz ben jarqyn bolashaq úshin jasap júrgen eńbegińizge rızashylyq bildirip, inilik kóńilmen sizge osy belbeýdi syılaımyn"- dedi Qanat Islam.
Belbeýde "Baýyrjan Baıbek aǵama Qanat Islamnan estelik" degen sóz qashalyp jazylǵan. Qala ákimi EKPO-2017 kórmesi aıasynda ótetin baıraqty básekede Qanat Islam jeńiske jetip, qazaq eline taǵy da qýanysh syılaıtynyna senimdi ekenin aıtty. Bul týraly boksshynyń pıar-menedjeri Berik Sultan óziniń Facebook paraqshasynda jazdy.
"Esterińizge sala keteıik, Almaty qalasy ákimdigi Qanat Islamnyń AQSH-ta ótken jekpe-jeginiń bas seriktesi boldy. Sondaı-aq 2016 jyly "Almaty arenada" ótken umytylmas keremet keshke de Almaty qalasy ákimi Baýyrjan Baıbek qoldaý kórsetken edi. Jaqyn kúnderi "QAZAQ" komandasy BAQ ókilderi úshin arnaıy baspasóz maslıhaty uıymdastyrylady" dep jazdy Berik Sultan.
Aıta keteıik, qala ákimi Baýyrjan Báıbek belgili boksshy Qanat Islamdy qabyldap, jeńisimen quttyqtady.
Sholýshy: Ásem Álmuhanbet
