QR Parlament Májilisindegi Fraksıa múshesi Tólegen Ibraev «Nur Otan» partıasynyń Saılaýaldy baǵdarlamasynyń  «Aýyldy qorǵaý» baǵytynyń iske asyrylý barysy týrasynda áńgimeledi.

Onyń aıtýynsha, «Aýyldy qoldaý» baǵyty boıynsha ótkizilgen eń sońǵy sarapshylyq otyrys turǵyndardy aýyz sýmen qamtamasyz etýge arnalǵan. Sondaǵy keltirilgen derekterge qaraǵanda, aýyl halqynyń 70%-y aýzy sý júıesine qosylǵan eken. Al mundaǵy túıtkildi jaıt – ortalyq sý qubyrynan jekemenshik úıge sý keltirý.

«Málim bolǵandaı, aýyldyqtardyń kóbiniń buǵan jaǵdaıy kelmeıdi. Sondyqtan da, osy boıynsha aımaqtardyń ákimderine tıisti usynystar berildi», - dedi ol.

Sonymen qatar, depýtat, jańa sý kózderin taýyp, ashý máselesiniń de ózekti ekendigin aıtty.

«Keńes dáýirinde, ıaǵnı, osydan 30 jyl buryn júrgizilgen gıdrologıalyq zertteýler eskirdi. Qazirgi tańda úkimetten ınjenerlik-gıdrologıalyq jańa zertteýlerge qarajat bólinýin suraýdamyz», - dep túsindirdi T.Ibraev.

«Aýyldy damytý» baǵyty boıynsha júzege asyrylǵan mindettemelerdiń qatarynda aýyl turǵyndarynyń mobıldik baılanys pen ınternetke qol jetkizýdiń nazarda turǵany da sóz etildi.

«Qosymsha zerttep zerdeleýdi qajet etetin aýyl joldaryn jóndeý sekildi  máseleler de bar. Elbasy óziniń ár sózinde aýyldardy ınfraqurylymdarmen qamtamasyz eýt kerektigin basa aıtýmen keledi. Eń bastysy – jol máselesi. Bul túıtkil Saılaýaldy baǵdarlamany oryndaýdyń aıasynda óte ótkir tur», - dep atap ótti májilisshi.

Aıta keteıik, «Nur Otan» partıasynyń Saılaýaldy tuǵyrnamasy 2011 jyly partıa Sezinde qabyldanǵan bolatyn. Onda bul qujat aldaǵy 5 jylǵa arnalǵan «qadamdyq» jospar mártebesin ıelendi. Jaqyn aralyqta «Nur Otan» partıasynyń Saılaýaldy tuǵyrnamasynyń sońǵy 2,5 jyldaǵy oryndalý qorytyndylaryna arnalǵan  Saıası keńestiń keńeıtilgen otyrysy ótedi.

 Qamshy-aqparat