QR İshki ister mınıstrligi jańa úlgidegi jeke kýálikterdi kórsetti. Mınıstrlik baspasóz qyzmeti: "Qazaqstan Respýblıkasy azamattarynyń jańa jeke kýáliginde dızaın ishinara ózgertildi, aq-qara tústi fotosýret túrli-tústige aýystyryldy, qujattyń tús gammasy, ashyqtyǵy men anyqtyǵy jaqsartyldy. Jeke kýálikterdiń barlyq qorǵanysh deńgeıi saqtalyp qana qoımaı, sonymen birge jańa elementtermen de tolyqty. Qujattyń qorǵanysh qabatyna qosymsha element engizildi: kýáliktiń oń jaq betine qujat ıesiniń golografıalyq beınesiniń kishireıtilgen túri ornalastyryldy, ol qujatty qoldan jasaýdan qorǵanýdyń joǵarǵy deńgeıin bildiredi", - dep habarlama taratty. Bul týraly Tengrinews.kz jazdy.

Jeke kýálikterdi shyǵarý Úkimettiń 2014 jyldyń 23 qazandaǵy qaýlysyna sáıkes josparlanǵan, 2014 jyldyń 1 jeltoqsanynan bastap azamattarǵa berile bastaıdy. Osy qaýly kúshine engenge deıin berilgen eski úlgidegi jeke kýálikter paıdalaný merzimi aıaqtalǵansha jaramdy dep esepteledi. Burynǵy jeke kýálikterdi túrli-tústi fotosýreti bar jańa kýálikterge aýystyrý azamattardyń qalaýy boıynsha júzege asyrylatyn bolady. Jańa jeke kýálikti berý úshin alynatyn memlekettik baj salyǵy burynǵydaı aılyq eseptik kórsetkishtiń 20 paıyzy kóleminde bolady, ol - qazirgi ýaqytta 370,4 teńge.

Bul Qazaqstan azamattarynyń qazirgi qoldanystaǵy  jekekýáligi.

Qamshy-aqparat