Ońtústik Koreıa úkimeti  eks prezıdenttiń qurbysy Soı Sýn Sıldi  bas bostandyǵynan aıyrdy. Bul týraly Qamshy aqparattyq agenttigi Rambler aqparattyq saıtynyń málimetine súıene otyryp habarlaıdy.

Seýl ortalyq soty Ońtústik Koreıanyń burynǵy prezıdenti Pak Kyn Chenyń qurbysy Soı Sýn Sıldi  3 jylǵa túrmege toǵytý týraly sheshim qabyldady. Esterińizge sala keteıik  Koreıanyń iri fıgýrantyna  korrýpsıalyq jolmen qyzynyń bas paıdasy úshin zańsyz áreketterge bardy degen aıyp taǵylǵan bolatyn.

Bul Soı Sýn Sılge taǵylǵan 13 shaǵymnyń  bireýine taǵaıynalǵan jaza.  Sot  eks prezıdenttiń qurbysyna óz bıligin asyra paıdalana otyryp qyzyn Koreıanyń eń myqty ýnıeversıtetine túsirgenin alǵa tartyp otyr. Sondaı-aq iri fıgýranttyń erketotaıy eshqandaı  emtıhan, baıandama, tapsyrmalarsyz-aq, sabaqqa qatyspaı  joǵary baǵa alyp otyrǵan kórinedi.

Sondaı-aq Soı Sýn Sılge taǵylǵan 13 aıyptyń qatarynda  Koreıanyń iri kompanıalarynan 70 myń dolllarǵa deıin para alǵandyǵy, prezıdent qurbysyna arqa súıeı otyryp memleket isine qatysty sharalardaǵy zańsyz áreketteri anyqtalyp otyr.

Ázirge Ońtústik Koreıa úkimeti Soı Sýn Sıldi  úsh jylǵa bas bostandyǵynan aıyrdy. Dese de aıypkerdiń áli qaralmaǵan 12  shaǵymy sot jazasynyń merzimin ulǵaıtýy múmkin. 

Sholýshy: Aqerke Maratqyzy