AQSH kongresiniń ókilder palatasy spıkeri Djon Beıner Aıova shtatynyń  Devenport qalasyndaǵy respýblıkashyldardyń jınalysynda qyzyqty pikirlerin jarıa etti dep habarlaıdy «Yahoo News».  

«Eger, Qurama Shtattardyń qazirgi prezıdenti Djordj Býsh bolǵanda, Vladımır Pýtın Qyrymǵa basyp kire alady dep oılaısyzdar ma?»-degen Djon Beıner Devenporttegi Ogaıolyq respýblıkashyldardyń is-sharasy kezinde. «Joq! Aqyldy Vladımır Pýtın óziniń Djordj Býshtan on sekýndta-aq tumsyǵy buzylatynyn anyq biledi»,-dep ashyq aıtqan AQSH kongresiniń ókilder palatasy spıkeri.

Palata  spıkeriniń bul pikirleri respýblıkashyldardyń qyzý qoldaýyna ıe boldy,-dep jazady atalmysh aqparat kózi.

Djon Beıner Barak Obamanyń syrtqy saıasatyn synaýshy AQSH-tyq saıasatkerlerdiń biri. Aldyńǵy aıda Aq Úı Aýǵanystan men Iraktaǵy Islam memleketi kúshterine áýeden soqqy berý áreketin júrgizgende de, basqasha pikir aıtqandardyń biri bolǵan-dy.

«Bireýlerdiń etigi tabanyn jerge tıgizýleri kerek»,-degen ol.

Árıne, bul «basqa bireý prezıdent bolǵanda, Vladımır Pýtın Qyrymǵa basyp kirmes edi»,- degen pikirdiń birinshi ret aıtylýy emes-tyn. 2012 jylǵy Qurama Shtattardyń prezıdentigine úmitker bolǵan  Mıtt Romnıdiń áıeli Enn Romnı Reseı prezıdenti Vladımır Pýtın meniń kúıeýimniń kózine taıqymaı tike qaraı almaıdy,-dep suqpat bergen Yahoo News-diń jýrnalıserine. « Áıtpegende, Vladımır Pýtın keıbir saldarlardyń týyndaıtynyn biledi dep senemin»,-degen Mıtt Romnıdiń jubaıy.

T. Shansharbek