Talǵat Mamashov Dúnıejúzi qazaqtary qaýymdastyǵy tóraǵasynyń birinshi orynbasary qyzmetinen bosatyldy dep habarlaıdy Qamshy aqparattyq agenttigi. Onyń ornyna Kóshi-qon demografıa agenttigin basqarǵan Zaýytbek Turysbekov keldi. Onyń kandıdatýrasyn Dúnıejúzi qazaqtarynyń V quryltaıynda Elbasy Nursultan Nazarbaev usyndy.

Aıta keteıik, Talǵat Mamashov 2004 jyldan beri Dúnıejúzi qazaqtary qaýymdastyǵy tóraǵasynyń birinshi orynbasary qyzmetin atqaryp keldi. Jańa  saılanǵan Zaýytbek Turysbek buǵan deıin kóptegen memleketik qyzmetterdi atqardy. 

1997 jylǵy jeltoqsannan - QR Kóshi-qon jáne demografıa agenttiginiń tóraǵasy. 1999 jylǵy qańtardan - QR Prezıdenti Ákimshiligi basshysynyń orynbasary - QR Prezıdenti Ákimshiligi Uıymdastyrý-baqylaý bóliminiń meńgerýshisi. 2000 jyldan - QR Memlekettik qyzmet isteri agenttiginiń tóraǵasy. 2003 jyldan - QR ishki ister mınıstri. 2005 jyldan QR Memlekettik qyzmet isteri agenttiginiń tóraǵasy. 2007 jyldan - QR-nyń Ózbekstandaǵy Tótenshe jáne Ókiletti elshisi. 2009 jylǵy tamyzdan - QR-nyń Reseıdegi Tótenshe jáne Ókiletti elshisi. 2012 jylǵy sáýirden QR-nyń Ýkraınadaǵy Tótenshe jáne Ókiletti elshisi, QR-nyń Moldova Respbýlıkasyndaǵy tótenshe jáne Ókiletti elshisi qyzmetin qosa atqarýshy.

 Sholýshy: Ásem Álmuhanbet