Ál-Farabı Ǵylymı kitaphanasynyń májilis zalynda «Qazaqstan jýrnalısıkasynyń búgini men bolashaǵy» atty respýblıkalyq ǵylymı-praktıkalyq konferensıa uıymdastyryldy. Konferensıa  Investısıalar jáne damý mınıstrliginiń Baılanys, aqparattandyrý jáne aqparat komıtetiniń jáne Bas redaktorlar klýbynnyń  qoldaýymen  jáne jýrnalısıka fakúltetiniń uıymdastyrýymen ótti.

İs-sharanyń negizgi maqsaty: elimizdiń bedeldi de  beldi Buqaralyq aqparat quraldary basshylaryn, jetekshi ókilderin, belgili ǵalym-ustazdardyń basyn qosyp, jýrnalısıkanyń zamanaýı talaptarǵa saı damýy men modernızasıalaý máselelerin talqylaý bolatyn.

Konferensıanyń moderatory Jetinshi arna Dırektorlar Keńesiniń tóraıymy, BAQ salasyndaǵy QR Prezıdenti syılyǵynyń laýreaty, Bas redaktorlar klýbynyń Prezıdenti   Bıbigúl Jeksenbaı júrgizip otyrdy.

Atalǵan sharaǵa «Qazaq gazetteri» JSHS-niń bas dırektory, redaktorlar keńesiniń tóraǵasy Kenjalın Jumabek, «Túrkistan» gazetiniń bas redaktory Patteev Shámshıdın,  «Jas qazaq» gazetiniń bas redaktory Craıl Smaıl, «Qazaq ádebıeti» gazetiniń bas redaktory Jumabaı Shashtaıuly, «Alash aınasy» gazetiniń bas redaktory Serik  Janbolat, «Vechernáá Almaty» gazetiniń bas redaktory Nıkolaı Jorov, «Prezıdent jáne Halyq» respýblıkalyq qoǵamdyq-saıası gazetiniń bas redaktory Marat Toqashbaev, «Abai.kz» aqparattyq portal jetekshisi, tanymal jýrnalıs Dáýren Qýat, «Ekonomıka» gazetiniń bas redaktory Aqas Tájútov, «Qazaq  radıosy» Almaty stýdıasynyń bas redaktory Murat Muqash t.b qatysyp, Yntymaqtastyq týraly Memorandýmǵa qol  qoıdy. 

Konferensıa rektor Ǵalym Mutanulynyń alǵy sózimen ashyldy.  Ǵalym Mutanuly óz sózinde: «Búginde jahandyq  deńgeıde oryn alyp otyrǵan baspa jáne elektrondy BAQ-tyń básekelestigi ulttyq buqaralyq medıa salasyn da sharpyp otyrǵany ras. Bul zańdy qubylys. Osynaý  elektrondy úrdisterdiń jyldam damyp otyrǵan kezeńinde qazaqstandyq buqaralyq aqparat salasynyń máseleleri, damýy, bolashaǵy akademıalyq ortada talqylanýy, zerttelýi qajettigin bas aıtqym keledi. Sondyqtan ıntellektýaldy qundylyqtardy qalyptastastyratyn ǵylymı jýrnalısıkanyń, komýnıkasıa týraly ǵylymnyń mártebesi artýy qajet. Bul sondaı-aq joǵary mektepke jańa medıatehnologıany erkin meńgergen bolashaqtyń jýrnalıserin daıyndaýdy talap etedi» - dedi. Sonymen qatar: «Osy oraıda Bas redaktorlar klýbymen QazUÝ arasyndaǵy yntymaqtastyqtyń aıasynda birlesken jobalar júzege asady, úlken bolashaǵy bolady dep kútilýde», - dep oıyn sabaqtady.

Jalpy konferensıada barlyq qatysýshylar, oqytýshy-professorlar búgingi jýrnalısıkanyń damýy men bolashaǵy, buqaralyq komýnıkasıa arnalarynyń máselelerin keńinen talqylap, sheshýshi joldaryn usyndy. Birlesken aýqymdy jobalar aıasynda stýdentterdiń shyǵarmashylyq jumystaryn tikeleı óndirispen baılanystyrýdyń ońtaıly joldary usynyldy.

Qoryta aıtqanda, elimizdiń buqaralyq aqparat quraldarynyń basshylary men ókilderiniń qarashańyraqta bas qosyp, keleli de sabdarly máselelerdi talqylaýy bolashaqqa jasalǵan ıgi qadamdar deýimizge bolady.

Áıgerim Álimjan,

Baspasóz jáne elektrondy BAQ kafedrasy

meńgerýshisiniń orynbasary,  aǵa oqytýshy