Qytaıdaǵy Sychýan provınsıasynda 100-den asa adam kóshkinniń astynda qalyp qoıdy, - dep habarlaıdy Qamshy aqparattyq agenttigi  RIA Novostı málimetine súıenip. 

Belgili bolǵan málimetterge qaraǵanda, kóshkinge toqtaýsyz jaýyp jatqan jańbyr sebep bolǵan. Bul oqıǵa senbide shamamen tańǵy saǵat 06.00-de (Astana ýaqyty boıynsha saǵat 04.00-de) bolǵan. Shamamen 40 úı kóshkinniń astynda qalǵan. 500 adamnyń qatysýymen ótip jatqan izdestirý-qutqarý jumystary ázirshe esh nátıje bergen joq.

Bastapqyda kóshkinniń astynda 100-den asa adamnyń qalyp qoıǵany habarlanǵan bolatyn, alaıda keıinirek jergilikti BAQ-tar adam sany 200-ge jetýi múmkin ekenin aıtqan edi. Oqıǵa ornynda qutqarýshylar, órt sóndirýshiler, dárigerler men tehnıka jumys istep jatyr.

Sholýshy: Aıgerim Taýbaı