Sybaılas jemqorlyqqa qarsy is-qımyl ulttyq búrosynyń Astana qalasy boıynsha departamenti  QR Investısıa jáne damý mınıstrliginiń "Kásibı áskerılendirilgen avarıalyq-qutqarý qyzmeti" RMK bas dırektory B.Sh.Halyq 70 myń dollar kóleminde kezekti para alý ústinde ustaldy dep habarlaıdy Qamshy aqparattyq agenttigi Sybaılas jemqorlyqqa qarsy is-qımyl ulttyq búrosynyń Baspasóz qyzmetine silteme jasap.

Kúdikti atqarylǵan jumystar aktisine qol qoıyp bergeni úshin merdiger uıymdardan júıeli túrde para alý boıynsha qylmystyq jospar qurǵan.

Sonymen qatar, B.Sh.Halyq bas esepshi K.T.Medebaevamen jáne kásiporynnyń Atyraýdaǵy fılıalynyń jetekshisi T.Ý.Mahmýtovpen birge RMK-niń qarajatyn iri kólemde jymqyrdy degen kúdikke ilinip otyr.

Kúdiktiniń úıin tintý kezinde 300 myń AQSH dollary men 6 mıllıon teńge tárkilengen.

A.j. 23 mamyrda B.Sh.Halyq , K.T.Medebaeva jáne T.Ý.Mahmýtov ustalyp Ýaqytsha ustaý abaqtysyna qamaldy.

Sotqa deıingi tergeý júrgizilýde.

Sholýshy: Ásem Álmuhanbet