Dúbirli Gala-konsertpen Astanada áskerı orkestrlerdiń Vİ halyqaralyq «Áskerı kerneı» festıvali óz máresine jetti. «Qazaqstan» sport saraıynda ótken óner keshi elimizdiń ishki ister organdarynyń 25 jyldyq belesine arnaldy dep habarlaıdy Qamshy aqparattyq agenttigi QR Ulttyq ulanynyń baspasóz qyzmetine silteme jasap.
Dástúrge aınalǵan «Áskerı kerneı» festıvali bıyl altynshy márte óz jalaýyn kóterip, oǵan elimizdiń mańdaı aldy áskerı orkestrlerimen birge kórshi Qytaı men Reseıdiń úzdik áskerı óner ujymdary qatysty. Atap aıtar bolsaq, baıqaýǵa irikteý syndarynan súrinbeı ótken Qazaqstan Respýblıkasy Ulttyq ulanynyń úzdik degen áskerı orkestrleri óner kórsetti. Olardyń qatarynda Ulttyq ulannyń úlgilik kórsetimdi orkestri, Áskerı ınstıtýttyń áskerı orkestri, Ulttyq ulannyń «Ońtústik», «Ortalyq», «Batys» jáne «Shyǵys» óńirlik qolbasshylyqtarynyń áskerı orkestrleri bar.
Sonymen birge festıváldiń aqtyq óner keshinde Memlekettik kúzet qyzmetiniń (Prezıdenttik orkestr) áskerı orkestri men qurmet qaraýyl rotasy, UQK Shekara qyzmetiniń birlesken orkestri jáne QR Qorǵanys mınıstrliginiń Ortalyq orkestri qatysty. Óner dodasynyń kórkin shet elderden kelgen Reseı Federasıasy Ulttyq ulany áskeri Oral okrýgy shtabynyń áskerı orkestri men Qytaı Halyq Respýblıkasy Halyqtyq qarýly polısıasynyń orkestri qyzdyrdy.
Otansúıgishtik pen urpaqtar sabaqtastyǵy rýhynda órilgen Plas-konsert «EKSPO-2017» halyqaralyq kórmesi is-sharalary aıasynda ótkizilip, ondaǵy klasıkalyq, halyqtyq jáne estradalyq mýzykalyq týyndylarmen qatar, jaýyngerlik parad-defıle, áskerı-qyzmetshilerdiń qarý-jaraqpen kórsetilgen tanymdyq kórsetilimderi Astana jáne onyń qonaqtary úshin birden-bir este qalarlyqtaı jarqyn áser qaldyrdy.
Ásirese, jurtshylyqty Prezıdenttik orkestr men Ulttyq ulan úlgilik kórsetimdi orkestri oryndaǵan týyndylar erekshe tánti etti. Elimizdiń eńbek sińirgen qaıratkeri Tilek Erǵalıev jetekshilik etetin Prezıdenttik-úrmeli orkestr Máskeýde ótetin áıgili halyqaralyq «Spasskaıa bashná» festıvaliniń turaqty qatysýshysy. Onymen birge óner ujymy Qazaqstandy túrli álemdik baıqaýlarda abyroımen tanytyp júr. Bul keshte de ónerpazdar tamasha shoý uıymdastyra bilip, kórermendi qýanyshqa bóleı bildi.
Reseıdiń eńbek sińirgen ártisi podpolkovnık Valerıı Belıkov dırıjerlik etetin Ekaterınbýrg qalasynan kelgen Ulttyq ulan áskeri Oral okrýgy shtabynyń orkestri de qalyń qaýymǵa kóterińki kóńil-kúı syılaı bildi. Kásibı deńgeıde oryndalǵan týyndylar kórermenniń júregine dóp tıip jatty. Qazaq eline qurmet retinde óner ujymy Abaıdyń «Kózimniń qarasy» men «Naýryz» áýenin dombyramen súıemeldeı oryndap, keshke jınalǵan jurtshylyqtyń erekshe yqylasyn týǵyza bildi.
Qytaılyq Lı Sychen jetekshilik etetin Halyqtyq qarýly polısıasynyń «Zashıtnık» orkestri osymen ekinshi ret Ulttyq ulan Bas qolbasshysynyń júldeleri úshin ótken halyqarlyq festıválǵa qatysty. Quramynda daryndy da sheber oryndaýshylary bar mýzykantshylar osy joly da bar ónerlerin ortaǵa saldy. Qytaılyq kompozıtorlardyń týyndylaryn oryndaǵan orkestr jınalǵan qaýymdy aspan asty eliniń mádenıetimen tánti etti.
Kesh barysynda 150 adamnan quralǵan ulandyq jaýyngerler ishki ister organdarynyń 25 jyldyǵyna tartý retinde «İİM», «25», «UU», «KZ» áripteri men sandaryn salyp, Ulttyq ulan Án-bı ansambliniń solıseri «Polısıa qyranymyz» jáne «Ulandar» atty Ulttyq ulan gımnin oryndady.
Al qytaılyq, reseılik jáne Ulttyq ulannyń úlgilik kórsetimdi orkestri birlese oryndaǵan «Drýjba» áýeni úsh el arasyndaǵy yntymaqtastyqtyń myzǵymas ekendigin áspettegendeı boldy. Saltanatty kesh festıválǵa qatysqan barsha orkestrlerdiń oryndaýyndaǵy «Qazaq eli» ánimen aıaqtaldy.
Festıvál qorytyndysy boıynsha Ulttyq ulan Bas qolbasshysy general-leıtenant Rýslan Jaqsylyqov óz atynan arnaıy syılyqtar men dıplomdardy Reseı, Qytaı, elimizdiń Prezıdenttik orkestri, Qorǵanys mınıstrliginiń Ortalyq orkestri jáne UQK Shekara qyzmetiniń birlesken orkestrleriniń jetekshilerine tartý etti.
