Omby týmasy, Alash arysynyń urpaǵy Qaıyrbek Kemeńger Dúnıejúzi qazaqtarynyń V quryltaıyna qatysty dep jazady Qamshy.kz tilshisi.

Ata-babasy qasıetti Baıanaýyldan, taǵdyrdyń tálkegimen Omby jerinde týyp-ósken, Alash ardaqtysy Qoshke Kemeńgerulynyń urpaǵy Qaıyrbek Kemeńger Dúnıejúzi qazaqtarynyń V quryltaıyna delegat retinde qatysty. Qaıyrbek Kemeńger tektiniń urpaǵy ǵana emes ǵalym, fılologıa ǵylymdarynyń kandıdaty, L.N.Gýmılv atyndaǵy EUÝ qazaq ádebıeti kafedrasynyń dosenti.

Omby oblysynyń Sharbaqkól aýdany Janan aýylynda týyp ósken Qaıyrbek 1988 jylǵa deıin «halyq jaýynyń tuqymy» degen qara tańba tańylyp kelse de, atasy «Kemeńger» tegin saqtaǵan.

Týra 100 jyl buryn Ekinshi Jalpyqazaq sezine delegat bolǵan Qoshke babasyndaı Qaıyrbek te óleńge jaqyn, júrek lúpilin jyr arqyly órnekteıdi. Ormandaı orys arasynda júrip, orys mektebin bitirse de, 2002 jyly Almatyda Jazýshy baspasynan «Atamnyń amanaty» atty jyr jınaǵyn shyǵarǵan. Sol kitapta ata jurttyń qadirin, elge degen saǵynyshyn, ómirlik ustanymyn «Atamekenge» atty óleńinde órnektegen.

Alashtanýshy, qalamger Qaıyrbek Kemeńgerdiń atalǵan óleńdegi «Qazaqstanda týmasamdaǵy, Qazaqstanda óleıin dep em...» degen jalyndy sózderi - quryltaıǵa kóz tikken, álemde tarydaı shashyraǵan qazaqtyń «Atajurtqa saǵynyshy» ispetti. 

Atamekenge

Armanym asqaq – Astanam qaıda?

Jatatyn jeke baspanam qaıda?

Ǵylymı jumys bastaǵan qaıda?

Bilmeımin, bárin tastaǵam jaıǵa.

Armannyń otyn óshirgenim be?

Aýylyn alshaq kóshirgenim be?

Úmittiń gúlin ósirgenimde,

Taǵdyrym, meni keshirmediń be?

Uqpaı-aq qoıdyń jaıyn balanyń,

Ózińe biraq ýaıymdamadym.

Túsinbeı talaı moıyndamadyń

Mende de talant boıymda baryn.

Men úshin aq tań atar eken be?

Kóksheni kóp jyl shahar etem be?

Kereksiz bolyp jatar ekem be,

Oralǵan kezde Atamekenge?

Ombyny tastap aq qaıyńmenen,

Jurtymnan jyraq jatpaıyn dep em.

Saltymdy taza saqtaıyn dep em,

Úmitin eldiń aqtaıyn dep em,

Júristi myna maqtaıyn nemen?

Mereıim ósip mereıińmenen,

Atajurt, saǵan keleıin dep em.

Barymdy saǵan bereıin dep em,

Bárin de sosyn kóreıin dep em.

Qazaqstanda týmasam daǵy,

Qazaqstanda óleıin dep em.

Qaıyrbek KEMEŃGER

2001