CNN arnasynyń qyzmetkerleri prezıdent Donald Tramp pen onyń keńesshisi Entonı Skaramýchchıdiń Reseıdiń tikeleı ınvestsıalar qorymen baılanysy týrasynda daıyndaǵan maqalalary úshin qyzmetterinen bosatyldy, dep jazady Qamshy aqparattyq agenttigi.

CNN telearnasynyń habarlaýynsha, Tomas Frenk, Erık Lıhtblaý jáne Leks Harıs saıtta taralǵan málimetke baılanysty jumys oryndaryn bosatqan.

«CNN.com arnasyna jarıalanǵan oqıǵa óshirilgen soń jarıalanymǵa qatysy bar úsh qyzmetker jumystan shyǵaryldy» dep málimdedi telearna.

Frenk CNN arnasynda zertteý jumystarymen aınalysatyn, zertteý bólimine jaýapty CNN arnasynyń «ardageri» Harrıs arnada 2001 jyldan beri qyzmet atqaryp keledi. Lıhtblaý arnaǵa birneshe aı buryn ǵana redaktor retinde jumisqa kirisken.

«Juma kúni CNN meniń komandam jarıalaǵan oqıǵadan bas tartty. Komandanyń jaýapty redaktory retinde men qyzmetimdi toqtattym. Men 2001 jyly arnaǵa keldim, sodan beri nyq senimmen mynany aıta alamyn: Bul – ózgelerden góri naqtylyq pen aqıqatty qajet etetin jańalyqtar qyzmeti. Men qyzmetten ketemin, biraq osy prınsıpterdi jadymda saqtaımyn», dep málimdedi Harrıs.