Aq úı Sırıa prezıdenti Bashar Asadtyń jańa hımıalyq shabýyl daıyndap, iske asyrylǵan jaǵdaıda Sırıa úkimeti úshin baǵasy joǵary bolatynyn málimdedi, dep jazady Qamshy aqparattyq agenttigi.

«Qurama Shtattar kezekti shabýylǵa daıyndyq júrip jatqanyn baıqady. Shabýyl Asad rejıminiń hımıalyq qarýymen oryndalady, nátıjesinde beıbit turǵynnyń, ásirese balalardyń kózi joıylmaq. 2017 jyldyń 4 sáýirinde bolǵan shabýyl taǵy qaıtalanýy múmkin», delingen habarlamada.

Eske sala keteıik, Sırıa opozısıasy 4 sáýirde Idlıb rovınsıasyna jaslaǵan hımıalyq shabýyl saldarynan 80-ge jýyq adamnyń qaza tapqanyn málimdegen. Shabýyldy Sırıa bıliginiń áskerinen kórgen. Al Sırıa bıligi beıbit turǵyndar men terrorıstrege qarsy hımıalyq qarý qoldanbaǵandaryn málim etken.

AQSH Sırıa áskerleriniń málimdemelerine de, Reseıdiń bárin muqıat tekserý kerek degen sózine de qaramastan, 2017 jyldyń 7 sáýirine qaraǵan túni Shaırat bazasyna soqqy jasady. Pentagon málimetinshe, 59 zymyran ushyrylǵan.