Qazaqstan Respýblıkasy Ortalyq saılaý komısıasynyń Tóraǵasy B. Imashev TMD Parlamentaralyq Assambleıasynan baıqaýshylar tobynyń úılestirýshisi, Reseı Federasıasy Federaldyq Jınalysy Federasıa Keńesi tóraǵasynyń orynbasary I.Ýmahanov bastaǵan TMD Parlamentaralyq Assambleıasynyń delegasıasymen kezdesti dep habarlaıdy Qamshy aqparattyq agenttigi.

2017 jylǵy 27 maýsymda Qazaqstan Respýblıkasy Ortalyq saılaý komısıasynyń Tóraǵasy B. Imashev TMD Parlamentaralyq Assambleıasynan baıqaýshylar tobynyń úılestirýshisi, Reseı Federasıasy Federaldy Jınalysy Federasıa Keńesiniń tóraǵasynyń orynbasary I Ýmahanov bastaǵan TMD Parlamentaralyq Assambleıasynyń delegasıasymen kezdesti.

Kezdesýge sondaı-aq Halyqaralyq qatynastar jónindegi Armenıa Respýblıkasy Ulttyq Jınalysy Turaqty komısıasynyń múshesi K. Bekarán; Qyrǵyzstan Respýblıkasy Jogorký Kenesh Kólik, komýnıkasıa, sáýlet jáne qurylys jónindegi komıtetiniń múshesi S.Djýraev, Tájikstan Respýblıkasynyń Madjlısı Olı Madjlısı mılı Qoǵamdaǵy jastar men áıelder arasyndaǵy áleýmettik máseleler, densaýlyq saqtaý, ǵylym, mádenıet jáne saıasat máseleleri jónindegi komıteti tóraǵasynyń orynbasary M. Bobobekova, TMD PAA Keńesi Bas hatshysynyń orynbasarlary H.Bakenov, I. Lıpchıý qatysty.

Kezdesý barysynda B. Imashev  baıqaýshylardy Ortalyq saılaý komısıasynyń Qazaqstan Respýblıkasy Parlamenti Senatynyń depýtattaryn saılaý jónindegi qyzmetimen tanystyrdy, sondaı-aq saılaý naýqanynyń erekshelikteri týraly, saılaý kúnine daıyndyq barysy týraly aıtyp berdi jáne osy saılaýdyń ereksheligi – tunǵysh ret saılaýshylar elektrondyq tirkeý qoldanylatynyn da atap ótti.

Ortalyq saılaý komısıasynyń tóraǵasy B. Imashev TMD Parlamentaralyq Assambleıasynyń delegasıasyna saılaýdy baıqaýdy uıymdastyrýda aqparattyq jáne basqa da qajetti kómek kórsetýge daıyn ekenin bildirdi.

Óz sózinde, I. Ýmahanov saılaýdy baıqaýǵa shaqyrǵany úshin alǵysyn bildirdi jáne Parlamentaralyq Assambleıasy ókilderiniń Qazaqstanda, sonyń ishinde Senat depýtattaryn saılaýda, úlken oń tájirıbesi bar ekenin atap kórsetti.

TMD PAA delegasıasy baıqaýshylarynyń pikirinshe, saılaý ótkizýge daıyndyq quqyq aıasynda, demokratıalyq negizde ótýde.

TMD PAA baıqaýshylar tobynyń úılestirýshisi saılaýdy baıqaý qorytyndylaryn jáne óz usynymdaryn saılaý naýqany sońynda jurtshylyq pen OSK-ǵa usynýǵa nıetti ekenin habarlady.

Sholýshy: Ásem Álmuhanbet