25 mádenıet jáne shyǵarmashylyq úıler jekeshelendirý aıasyndaǵy satylymnan shyǵaryldy. Bul týraly búgin Ortalyq kommanıkasıalar qyzmetindegi brıfıńte QR Qarjy mınıstrligi Memlekettik múlik jáne jekeshelendirý komıtetiniń tóraǵasy Edýard Ótepov málim etti.

«Birde bir murajaı nemese galereıa, teatr jekeshendiriletin nysandar tizimine engizilgen joq. Muny komısıa baqylap otyr. Alaıda, bul tizimge shyǵarmashylyq jáne mádenıet úıleri engen bolatyn, biraq ta bir apta buryn osy máseleni qarastyryp, bul nysandardy saýdadan shyǵaryp tastady. Iaǵnı, olar endi saýdaǵa shyǵarylmaıtyn bolady. Memlekettik-jekemenshik seriktestik aıasynda osy másele qarastyrylýy múmkin, alaıda ol qazirgi kezde keıingi qaldyrylyp otyr. Bul turǵyda barlyǵy 25 nysan uamtylǵan edi»,- dedi E.Ótepov.

Osy oraıda komıtet basshysy mádenı nysandardy saýdaǵa shyǵarý kezinde álemdik tájirıbe zerdelengenin atap ótti.

Atap aıtqanda, shetelde mádenı nysandardyń basym bóligi memlekettik-jekemenshik seriktestik aıasynda qyzmet jasaýda.

«Qarasha aıynda respýblıkalyq menshiktegi 4 nysan satylymǵa shyǵarylady. Olardyń arasynde eń iri degen nysan – «Qazaerojoba» ǵylymı-zertteý jáne jobalaý-izdestirý ınstıtýty.Sonymen qatar, komýnaldyq menshiktegi 28 nysan satylady. Olardyń arasynda 6 tilderdi oqytý, alty BAQ nysany, bes sport klýby, abattandyrý salasyndaǵy bes nysan bar»,-dedi QR Qarjy mınıstrligi Memlekettik múlik jáne jekeshelendirý komıteti tóraǵasynyń orynbasary Ǵalymjan Ibraımov.