Almatydaǵy jol apaty saldarynan eki aıaǵynan aıyrylǵan Ekaterına Parafıeva otandastaryna qoldaý kórsetkeni úshin alǵysyn bildirdi dep habarlaıdy Qamshy aqparattyq agenttigi sputniknews.kzsilteme jasaı otyryp.

Ekaterınanyń júrek jardy sózderin Facebook paraqshasynda Olga Agapova jetkizgen.

"Qaıyrly kún, dostar! Týǵan-týystar, dos-jarandar, áriptester men aq júrek meıirimdi jandar!

Jaǵdaıym ájeptáýir jaqsaryp qaldy, sizderge shyn júrekten alǵysymdy bildirgim keledi. Jyly sózderińiz, duǵa - tilekterińiz ben otbasyma materıaldyq kómek kórsetkenderińiz úshin kóp rahmet!

Sizderdiń qoldaýyńyz maǵan qanshalyqty kúsh qýat bergenin elestetý qıyn, syn saǵatynda demeý bolǵan sizder.

Aldymda úlken jol bar, biraq bul synnan da súrinbeı ótetinime senimdimin, óıtkeni aınalamda maǵan qoldaý kórsetip, demeý bolar meıirimdi jandar óte kóp. Sol úshin de myń alǵys!

Kómek qolyn sozǵan árqaısyńyzben jeke tanysyp, qaıyrymdylyqtaryńyz úshin alǵysymdy bildirgim keledi.

Keıinirek bul múmkindikke de qol jetkizemin dep senemin. Myń da bir rahmet!!!".