Semeı qalasynyń Vostochnyı kentinde 3-5 jas aralyǵyndaǵy balalarǵa arnalǵan 100 oryndyq shaǵyn ortalyq ashyldy. «Asyl Jibek» mektepke deıingi bilim berý mekemesiniń ashylý saltanatyna SHQO ákimi Berdibek Saparbaev qatysty, dep habarlaıdy Qamshy.kz portaly SHQO Aqparattyq ortalyǵyna silteme jasaı otyryp.

Elimizde 2015 jylǵa qaraı balalardy mektepke deıingi bilimmen qamtý 74 %-dy quraıdy. Bul jóninde Elbasynyń «Qazaqstan-2050» strategıasy: qalyptasqan memlekettiń jańa saıası baǵyty» Joldaýynda aıtylǵan. Búginde Shyǵys Qazaqstanda Joldaýda mindettelgshen tapsyrmany oryndaý boıynsha ilkimdi ister atqarylýda. Mysaly tek Semeı qalasynda jyl basynan beri 50 oryndy «Nımat» pen «Áltaıyr» jáne 100 oryndy «Asyl Jibek» ortalyqtary ashylyp, 200 bala mektepke deıingi bilim berý mekemesimen qamtamasyz etildi.

Jyl sońyna deıin 305 oryndy 3 mektepke deıingi mekeme ashý kózdelip otyr. Ázirge shahardaǵy mektep jasyna deıingi 6778 bala 31 balabaqshada tárbıelenýde. 1925 bala 16 jekemenshik balabaqshaǵa barady.

Jalpy Semeı qalasynda 82 mektepke deıingi bilim berý mekemesi bar. Búgingi kúnge deıingi kórsetkish boıynsha 3-6 jas aralyǵyndaǵy balalardy mektepke deıingi mekemelermen qamtý 86,7 % oryndalǵan.